1Atha 8:41 - ÎVUKU RÎA ÛVORO MWARO

⁴¹ “Na njîra wata îo mûgeni ûtarî wa andû aku a Isiraeli angîûka kuuma vûrûri wa kûraca nîûndû wa rîîtwa rîaku,

1Atha 8:41 ပူးပေါင်းရင်းမြစ်များ

1Atha 8:40

nîguo andû aku magwîtigagîre vîndî cionthe rîrîa magûtûûra vûrûrirî ûrîa waveere methe metû.

1Atha 8:42

(nîûndû andû a mavûrûri mengî nîmakegua ngumo ya rîîtwa rîaku, vinya na ûvoti) mûndû ûcio angîgaaûka gûkûvoya arî hekarûrî îno,

2Maû 6:32

“Vîndî îrîa mûgeni ûtarî ûmwe wa andû aku a Isiraeli agaaûka aumîte vûrûri wa kûraca nîûndû nîeguîte ngumo ya rîîtwa rîaku, vinya waku na ûgitîri waku, aûke gûkûvoya arî hekarûrî îno,

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Ndari 15:16

Mue vamwe nao mûkaarûmagîrîra watho na kîrîra kîmwe.”

Ndari 15:29

Watho ûyû ûkaarûmagîrîrwa nî andû onthe arîa makeevia matakûmenya, marî andû a Isiraeli kana ageni arîa matûûranagia nao.

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Mathaayo 2:1

Jesû aaciarîrwe îtûûrarî rîa Bethilehemu, vûrûrirî wa Judea vîndî îrîa Herode aathanaga kuo. Na vîndî îrîa aaciarirwe andû arîa maarî na ûgî wa njata, arîa maaumîte mwena wa îrathîro nîmaakinyire Jerusalemu

Mathaayo 8:5

Rîrîa Jesû aatonyire Kaperinaumu, mûnene ûmwe wa athigari îgana a Roma nîwathiîre kûrî ke na akîmûthaitha akîmwîraga atîrî:

Luka 17:18

Anga gûtirî mûndû wîngî wacoka vuva gûcokeria Ngai ngatho tiga mûndû ûyû ûtarî wa gûkû?”

Johana 12:20

Kwarî Angiriki maarî gatagatîrî ka andû arîa maathiîte îtûûrarî rîa Jerusalemu kûgooca Ngai vîndî ya Kîrugo Kîam pasaka.

Ruthu 1:16

Nwatî Ruthu nîwerire Naomi atîrî, “Tiga kûningîrîria ngûtige, atî nîguo tûtikathiî nawe, nîûndû kûrîa ûkaathiî nîkuo ngaathiî; na kûrîa ûgaatûûra nîkuo ngaatûûra. Andû enyu nîo magaatuîka andû akwa, nake Ngai waku nîke ûgaatuîka Ngai wakwa.

Ruthu 2:11

Boazu nîwamûcokerie atîrî, “Nîmenyithîtue maûndû monthe marîa wîkîte nyaciaraguo kuuma rîrîa mûthuuriguo aakwire. Wana nîmbicî ûrîa watigire aciari aku, vûrûri wenyu na ûgîûka gûtûûrania na andû ûtaaicî mbere.