1Atha 8:37 - ÎVUKU RÎA ÛVORO MWARO

³⁷ “Vûrûri ûyû ûngîkaagîa yûra kana mûrimû mûcûku, kana ndavaîki kana ikundi cia ngige kana mûgariû, kana andû aku matharîkîrwe nî nthû ciao, kana kûgîe na mûthiro kana mûrimû gatagatîrî kao,

1Atha 8:37 ပူးပေါင်းရင်းမြစ်များ

1Atha 8:38

ûkaathikîrîria mavoya mao. Mûndû wa wonthe kana andû aku a Isiraeli mangîgaakûthaitha wa mûndû atambarûkîtie njara ciake erekerete hekarûrî îno nîûndû wa kwîgua kîeva ngororî ciao,

1Maû 21:12

mîaka îthatû ya yûra, kana mîeri îthatû ya gûcûkangua nî nthû ciaku kana mîthenya îthatû ya îverithia rîa Ngai-Mûnene na agûtûmîre mîrimû vûrûrirî wonthe na mûraika wa Ngai-Mûnene athiî agîcûkangagia andû vûrûrirî wonthe wa Isiraeli. Rîu mbîra ûrîa ngûcokeria ûrîa ûndûmîte.”

2Maû 20:9

thîna ûngîgaaûka, mbaara, mûthiro, mûrimû kana yûra, nîmagaaûka marûngame mbere yaku gûkû hekarûrî îno ûgoocagîrwa. Nîmagaagûkaîra marî mathînarî nawe nîûkaamegua na ûmavonokie.

Thaburi 78:46

Ngai nîwatûmire ngige irîe mîmera yonthe, na igîcûkangia mîgûnda yao.

Thaburi 91:3

Ngai nîagaakûvonokia kuuma mûtegorî, na kuuma kûrî mîrimû mîcûku.

Jeremia 32:2

Vîndî îo athigari a mbaara a mûthamaki wa Babuloni nîmaathiûrûrûkîrie îtûûra rîa Jerusalemu. Nake mûrathi Jeremia aavingîrîtwe kanyombarî ka arangîri kûu mûciî kwa mûthamaki wa Juda.

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Alawi 26:16

nî ngaamûverithia. Nî ngaamûretere mîrimû îtakaavora na mîrimû ya kûviûva mwîrî îrîa îgaatûma mûtuîke ndumumu na mûthirwe nî vinya. Mûkaavandaga irio, nwatî mûtikaairîa, nîûndû nthû cienyu nîcio igaaketha irio icio na iirîe.

Hagai 2:17

Nînatûmire rûkûngi rûnene na ndavaîki na mbura ya mbembe ciûke icûkangie indo cionthe irîa mwageragia kûrîma, nwatî kûnarî ûguo mue mûtianjokerera, ûguo nîguo Ngai-Mûnene arauga.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.