1Atha 8:33 - ÎVUKU RÎA ÛVORO MWARO

³³ “Vîndî îrîa andû aku Aisiraeli mangîkaavootwa nî nthû ciao nîûndû wa kwîthîrwa makûvîtîrîtie, na macoke magûcokerere na maûke hekarûrî îno na makûvoye na wînyivia nîguo ûmovere,

1Atha 8:33 ပူးပေါင်းရင်းမြစ်များ

1Atha 8:34

nakûthaitha ûkaamathikîrîria ûrî kûu îgûrû. Ûkoovera andû aku Aisiraeli mevia mau na ûkaamacokia vûrûrirî ûrîa waveere methe mao.

1Atha 8:47

mangîkeerira marî kûu vûrûrirî ûcio maavirirwe matavwa na makûvoye makiumbûraga ûrîa marî evia na marî aganu, nakûthaitha Ngai-Mûnene ûkaathikîrîria mavoya mao.

1Atha 8:48

Ethîrwa nîmagaagûcokerera na meciria mao monthe, vamwe na ngoro yonthe marî wa kûu vûrûrirî wa nthû icio ciamatavire, na makûvoye merekerete vûrûri ûyû wao ûrîa waveere methe mao, na îtûûra rîîrî we wathuurire, na hekarû îno ndumîte îtanîtue na rîîtwa rîaku,

Thaburi 44:10

Nîûtûmîte tûre nî nthû cietû, na nîitavîte indo cietû.

Isaia 63:15

We Ngai-Mûnene, ûtûrorie kuuma îgûrû, kûrîa ûtûûraga na kûtheru. Ûtugi waku mwîngî na vinya waku kûrî tue irî kû? Wendo waku na ntha ciaku irî kû? Ndûgatûtiganîrie.

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Jona 3:10

Rîrîa Ngai oonire ûrîa meekire na ûrîa maatiganire na ciîko ciao cia waganu, nîwericûkirwe na ndaamaverithia ta ûrîa aaugîte nîagwîka.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 28:48

Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.

Josh 7:8

Ûûi Mwathani, nîmbuga atîa na Aisiraeli nîmaûra nî nthû ciao?