1Atha 8:32 - ÎVUKU RÎA ÛVORO MWARO

³² We Ngai-Mûnene nakûthaitha ûkaathikîrîria na ûgaatuithania ndungata ciaku ûrî kûu îgûrû. Ûkaaverithia mûndû ûrîa mwîvia wata ûrîa kwagîrîrîte, nake mûndû ûrîa mûthingu ûgaatûma agîe na maûndû maringanîte na ûthingu wake.

1Atha 8:32 ပူးပေါင်းရင်းမြစ်များ

2Sam 22:21

Ngai-Mûnene andathimaga nîûndû mbîkaga maûndû marîa magîrîrîte, andathimaga nîûndû ndirî na ûcuke.

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

1Atha 2:33

Kwoguo Joabu na njiarwa ciake nîmatûûra marî na kîrumi tene na tene nîûndû wa gîkuû Kîam andû acio. Nwatî Ngai-Mûnene nîatûûra avecaga Daudi, andû a mûciî wake, njiarwa ciake na ûthamaki wake thayû na ûvootani.”

Esita 9:25

Nwatî Esita nîwathiîre kûrî mûthamaki, na mûthamaki akîandîkithia watho wa kuga atî mûvango mûcûku ûrîa Hamani aavangîte wîkwe Ayahudi acokererwe nîguo. Maarûa ino nîcio ciatûmire Hamani acokererwa nîguo. Ke na avîcî ake îkûmi nîmaacurirue mûtîrî.

Thaburi 18:25

We Ngai-Mûnene ûrî mwîvokeku waku kûrî andû arîa magwîtîkîtie, nîwonanagia wega waku kûrî andû arîa matarî ûcuke.

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Ntha 23:7

Ndûkanarie ûira wa maveeni ciirarî, na ndûkanaûragithie mûndû ûtarî na mavîtia, nîûndû nîngaatuîra mûndû wa wonthe wîkaga waganu ta ûcio.

Ntha 34:7

Nînginyagîria wendo wakwa ûtathiraga njiarwa ngiri nyîngî na ngarekera arîa mekaga naaî na mareganaga nanie na makevia. Nwatî nîngaaverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.”

Nthi 1:31

Kwoguo, nîmûkaarîa matunda ma mîthiîre yenyu, na mûvûnue nî mîvango yenyu.

Nthi 17:15

Mûndû ûrîa ûverithagia mûndû mûthingu na mûndû ûrîa ûrekagîrîria mûndû mwaganu, Ngai-Mûnene nîamathûrîte wa oîrî.

Isaia 45:25

Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 18:30

“Kwoguo mue nyomba ya Isiraeli nie nîngaamûtuîra ciira, wa mûndû kûringana na njîra ciake, ûguo nîguo Mwathani Ngai augîte. Îrireni na mûgarûrûke mûtigane na maûndû mau menyu macûku mûreka na mûtikareke mevia menyu mamûcûkangia.

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Ndari 5:27

Ethîrwa mûndûmûka ûcio nîekîte ciîko cia ûtharia, nîakeegua ûrûrû mwîngî mûno. Nîakaaimba îvu na ciîga ciake cia ûciari ithire vinya, na ethîrwe arî na kîrumi gatagatîrî ka andû ao.

Aroma 2:13

Ngai ndatucaga andû athingu nîûndû wa kwîgua watho, nwatî amatucaga athingu nîûndû nîmekaga ûrîa watho uugîte.

Aroma 7:9

Nie nînatûûraga mwoyo wana mbere ya menya watho. Nwatî rîrîa naamenyire maathani, mevia nîmaagîre vinya,

Gûco 25:1

“Ethîrwa kûrî na ngarari gatagatîrî ka Aisiraeli aîrî na oîrî mathiî îgootirî nîguo matwithanue, nake mûtwithania ciira atue atî ûmwe tî mwîvia na ûcio wîngî nî mwîvia,

1Sam 2:25

Angîthîrwa mûndû nwa avîtîrie mûndû ûrîa wîngî, Ngai nîke ûngîmeguithania. Nwatî mûndû angîvîtîria Ngai-Mûnene, nî ûrîkû vi ûngîmûthaithanîrîra?” Nao nîmaaregire kûthikîrîria ûrîa meeragwa nî îthe, nîûndû Ngai-Mûnene nîwatuîte atî nîakûmaûraga.