1Atha 8:29 - ÎVUKU RÎA ÛVORO MWARO

²⁹ Menyagîrîra hekarû îno ûtukû na mûthenya. Vandû ava nîwe wathuurire nîguo ûgoocagîrwe vo. Thikagîrîria mavoya makwa vîndî îrîa ngûvoya nîrî hekarûrî îno.

1Atha 8:29 ပူးပေါင်းရင်းမြစ်များ

1Atha 11:13

Ndikaamûcuuna ûthamaki wonthe, nwatî nîngaava mûvîcîguo mûvîrîga ûmwe nîûndû wa gîtîîo Kîam ndungata yakwa Daudi na nîûndû wa gîtîîo Kîam îtûûra rîa Jerusalemu rîrîa nîîthuurîrîte.”

1Atha 11:36

nwatî nîngaatigîra mûvîcî ûcio wa Solomoni mûvîrîga ûmwe nîguo vîndî cionthe ngethagîrwa nîrî na mûndû wa njiarwa cia ndungata yakwa Daudi akîathana arî Jerusalemu, îtûûra rînene rîrîa nthuurîte nîguo ngoocagîrwe kuo.

1Atha 14:21

Rehoboamu mûvîcî wa Solomoni aarî na ûkûrû wa mîaka mîrongo îna na ûmwe (41) rîrîa aatuîkire mûthamaki wa Juda, na aathanire îvinda rîa mîaka îkûmi na mûgwanja (17) arî Jerusalemu. Jerusalemu nîrîo îtûûra rînene rîrîa Ngai-Mûnene aathuurîte kuuma vûrûrirî wonthe wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma Aamoni.

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

1Atha 8:43

nakûthaitha ûkaamûthikîrîria ûrî îgûrû kûrîa ûtûûraga na ûkaamûvingîria ûrîa agaakûûria, nîguo andû onthe a gûkû nthî makûmenye na makwathîkîre ta ûrîa andû aku a Isiraeli mekaga. Nîmagaacoka mamenye atî nyomba îno ndumîte îtanîtue na rîîtwa rîaku.

1Atha 8:52

“Ngai-Mûnene, thikîrîria mathaithana makwa nie ndungata yaku, vamwe na mathaithana ma andû aku a Isiraeli na wîgucage mavoya mao vîndî îrîa yonthe magaakûvoyaga.

1Atha 9:3

Ngai-Mûnene nîwerire Solomoni atîrî, “Nîmbîguîte îvoya rîaku wana îthaithana rîaku. Nînamûra nyomba îno ûndumîrîte nîguo ndûûre ngoocagîrwa kuo tene na tene. Nîndûûra nîmîgitîrîte na nîmîmenyererete vîndî cionthe.

2Atha 19:16

Vingûra metho maku we Ngai-Mûnene, na ûthikîrîrie ciugo cionthe irîa Senakeribu atûmanîte cia gûkûruma we, Ngai ûrîa ûtûûraga mwoyo.

2Atha 21:4

Nîwatumire metha cia kîgongoona hekarûrî ndaarî, kûrîa Ngai-Mûnene aaugîte atîrî, “Rîîtwa rîakwa rîkaagocagîrwa Jerusalemu.”

2Atha 21:7

Nîwaigire mûvuanano wa ngai ya ngai ya Ashera hekarûrî, kûrîa Ngai-Mûnene eerîte Daudi na mûvîcî Solomoni atîrî, “Hekarûrî îno gûkû Jerusalemu, nîkuo nthurîte kuuma kûrî mîvîrîga yonthe ya Isiraeli na nîkuo ngûtûûra ngoocagîrwa.

2Atha 23:27

Ngai-Mûnene nîwaugire atîrî, “Nîngengata andû a Juda maume kûrî nie wata ûrîa nekire andû a Isiraeli, na nîngaatiganîria Jerusalemu îtûûra rîrîa nathuurire na hekarû, varîa naugire nîvo mbagîrîrwe nî kûgoocerwa.”

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 20:8

Nîmaatûûrire vûrûrirî ûyû na magîgûtumîra hekarû nîguo ûgoocagîrwe kuo na makiuga atî,

2Maû 33:4

Nîwatumire metha cia magongoona cia ngai cia mîvuanano hekarûrî kûrîa Ngai-Mûnene aaugîte atîrî, “Jerusalemu nîkuo ngûtûûra ngoocagîrwa tene na tene.”

2Maû 33:7

Nîwocire mîvuanano îrîa aaumîtie na akîmiga hekarûrî, kûrîa Ngai eerîte Daudi na mûvîcî Solomoni atîrî, “Gûkû Jerusalemu, hekarûrî îno nîkuo nthuurîte gatagatî ka mîvîrîga yonthe ya Isiraeli nîguo ndûûre ngoocagîrwa kuo tene na tene.

2Maû 6:20

Menyagîrîra hekarû îno ûtukû na mûthenya nîûndû nîweranîre atî gûkû nîkuo ûkaagoocagîrwa. Îgucaga mavoya makwa rîrîa ngûkûvoya mberekerete hekarû îno.

2Maû 6:40

“Rîu we Ngai wakwa, tûrorie na ûthikîrîrie mavoya marîa tûkûvoya tûrî ava.

Nehemia 1:6

Nthikîrîria na wîgue ngîkûvoya ûtukû na mûthenya nîûndû wa ndungata ciaku, andû a Isiraeli. Nîngumbûra atî tue andû a Isiraeli, nîtwîvîtie.

Nehemia 1:9

Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’

Thaburi 138:2

Nyînamagîrîria ûthiû mberekerete hekarû yaku ntheru, na ngagûcokeria ngatho, nîûndû wa wîvokeku waku na wendo waku ûtathiraga; nîûndû nîûnenevetie rîîtwa rîaku na kiugo gîaku gûkîra maûndû monthe.

Thaburi 34:15

Ngai-Mûnene aroragia andû arîa athingu, na nîathikagîrîria kîrîro Kîamo.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Danieli 9:18

We Ngai wetû, tega matû maku ûtûthikîrîrie. Ta roria mathîna marîa tûrî namo na mathîna marîa marî îtûûrarî rîrîa rîtanîtue nawe. Tûrakûvoya we Ngai nîûndû ûrî wa ntha nyîngî na tî nîûndû wa ûrîa twagîrîrîte.

Zakaria 12:4

Vîndî îo nîngaatûma mbarathi igwatwe nî guoya, na andû arîa mathiîcaga maciîkarîrîte matuîke ta agûrûki. Nîngaagitîra nyomba ya Juda, nwatî nîngatûma mbarathi icio ciîngî cionthe ituîke ndumumu.

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:14

Varîa Ngai-Mûnene akaathuura mûvîrîgarî ûmwe wa îo yenyu, nîvo mûkaarutagîra matega ma kûvîvua, na nîvo mûgeekagîra maûndû monthe marîa ngûmwatha.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 16:2

Mûkaarutagîra Ngai-Mûnene Ngai wenyu îgongoona rîa pasaka kuuma ndîthiarî yenyu ya mbûri na ng'ombe mûrî varîa Ngai-Mûnene akaathuura va kûgoocagîrwa.

Gûco 16:6

Vandû va ûguo rutagîrani Ngai-Mûnene Ngai wenyu îgongoona rîu rîa pasaka vandû varîa akaathuura va kûgoocagîrwa. Mûkaarîrutaga kîvwaî riûa rîkîthûa vîndî ta îrîa mwaumire Misiri.

Gûco 26:2

wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.