1Atha 8:13 - ÎVUKU RÎA ÛVORO MWARO

¹³ Rîu nîngûtumîrîte hekarû nene, nîguo îtuîke vandû vaku va gûtûûra tene na tene.”

1Atha 8:13 ပူးပေါင်းရင်းမြစ်များ

2Sam 7:13

Ûcio nîke ûkaandumîra hekarû na nîngaatûma ûthamaki wake ûtûûre tene na tene.

1Maû 17:12

Nîke ûkaandumîra hekarû na nîngaatûma ûthamaki wake ûtûûre tene na tene.

1Maû 28:10

Nwanginya ûmenya atî Ngai-Mûnene nî akûthuurîte ûmûtumîre hekarû ntheru. Gîa na vinya ûrute wîra ûcio.”

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

1Maû 28:6

“Ngai-Mûnene nîwambîrire atîrî, ‘Mûvîcîguo Solomoni nîke ûkaandumîra hekarû na kîvaro gîakwa. Nînîmûthuurîte atuîke mwana wakwa nanie nduîke îthe.

2Maû 6:2

Nwatî nîngûtumîrîte hekarû îrî na riiri, kûrîa ûgaatûûra tene na tene.”

Ntha 15:17

We nîûkaamarete na ûmavande kîrîmarî gîaku, vandû varîa we Ngai-Mûnene ûthuurîte vatuîke mûciî waku, hekarûrî îrîa we mwene ûtumîte.

Ezek 43:7

akiuga atîrî, “Mûndû, gîkî nîkîo gîtî gîakwa Kîam ûthamaki na nîvo mbigaga magûrû makwa. Nîndûûra gatagatî ka andû a Isiraeli na nîmathamakîre tene na tene. Andû a Isiraeli kana athamaki ao matigacoka kûgwatia rîîtwa rîakwa rîtheru gîko rîngî makîgooca mîvuanano kana makîthika ciimba cia athamaki ao kûndû gûkû kûtheru.

Ezek 43:9

Rîu nîmatige kûgooca mîvuanano na mavire ciimba cia athamaki ao kûraca nanie, nanie nîngûtûûrania nao tene na tene.

Mathaayo 23:21

Nake mûndû ûrîa wîvîtaga na hekarû, evîtaga nayo na akevîta na Ngai ûrîa ûtûûraga kuo.

Ciîko 6:14

Tue nîtwegwire mûndû ûyû akiuga atî Jesû wa Nazarethi nîakaatharia hekarû na agarûre mîtugo îrîa twareteerwe nî Musa.”

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.