1Atha 7:14 - ÎVUKU RÎA ÛVORO MWARO

¹⁴ Ng'ina wa Hiramu aarî mûndûmûka wa ndigwa kuuma mûvîrîgarî wa Nafutali. Nake îthe aarî wa kuuma Turo, na aarutaga wîra wa indo cia gîcango. Hiramu aarî wara mwîngî mûno na aarî na ûmenyo na wara wa kûrûtha mîthemba wa yonthe ya indo cia gîcango. Nîwathiîre kûrî mûthamaki Solomoni na akîruta wîra wake wonthe.

1Atha 7:14 ပူးပေါင်းရင်းမြစ်များ

2Maû 2:14

na ng'ina nî wa kuuma kûrî erîtu a mbarî ya Dani, nake îthe nî wa kuuma Turo. Nîmûthomithie kûrûtha indo na thaavu, sîlûva, gîcango, cuuma, mathiga, mîtî na ndigi cia rangi wa vururu, njambarawe, na rangi ndune wa vamwe na gûtuma nguo mbaro. Huramabi nwa aumie indo cia mîthemba yonthe na nwa arute wîra wonthe ûrîa ûngîmwonia arute. Ke nîakaarutithania wîra na mavundi maku, na mavundi marîa aguo Daudi mwathi wakwa aathuurire.

2Maû 2:6

Nwatî nî ûrîkû ûngîvota kûmûtumîra nyomba, nîûndû wana îgûrû, kûrîa îgûrû mûno ndangîganîra kuo. Nie nîrî û atî nîmûtumîre nyomba tiga nwa ndumire vandû va kûvîvagîria Ngai ûbani?

2Maû 4:11

Huramu nwa warûthire nyûngû, iciko na mbakûri. Kwoguo Huramu nîwarîkirie wîra wa gûtuma indo cia hekarû ûrîa aarutagîra mûthamaki Solomoni. Wîra ûcio warî:

2Maû 4:16

Nyûngû, iciko, mînyoge, na indo cionthe cia hekarû ya Ngai-Mûnene, Huramu aairûthire na gîcango îrî ntherie wata ûrîa mûthamaki Solomoni aathanîte.

Ntha 28:3

Îra mavundi arîa marî wara arîa naveere ûûgî matumîre Aroni nguo, nîguo amûrwe andungatagîre arî mûthînjîri-Ngai.

Ntha 35:30

Musa nîwerire andû a Isiraeli atîrî, “Ngai-Mûnene nî athuurîte Bezaleli mûvîcî wa Uri. Uri aarî mûvîcî wa Huri wa mûvîrîga wa Juda.

Ntha 35:31

Ngai-Mûnene nîwecûririe Bezaleli vinya wake, akûmûva ûvoti, ûûgî na wara wa mawîra monthe.

Ntha 35:35

Ngai-Mûnene nî amavete wara wa mawîra monthe marîa marutagwa nî andû arîa marûthaga indo, na gûcora, na marî na ûvoti wa gûtuma itambaa mbaro na kûrûtha ndigi cia rangi wa vururu, njambarawe, na cia rangi ndune, na itambaa ciîngî. Marî na wara wa kûruta mawîra ma mîthemba yonthe na marî na ûgî wa gûcora.

Ntha 36:1

“Bezaleli, Oholiabu na aruti wîra acio engî onthe arîa Ngai-Mûnene aaveete wara, ûûgî wa kûmenya kûruta mawîra monthe ma gûtuma îgema rîa Ngai-Mûnene, makaaruta wîra ûcio kûringana na ûrîa Ngai-Mûnene aathanîte.”

Ntha 36:8

Andû arîa maarî na wara mwîngî gûkîra arîa engî nîo maarutaga wîra wa gûtuma îgema rîa Ngai-Mûnene. Maarîtumire na itambaa îkûmi cia nguo mbaro itumîtwe na ndigi cia rangi wa vururu, njambarawe, na cia rangi ndune na igemetue na akerubi.

Isaia 28:26

Mûndû ûcio nîamenyaga ûrîa agwîka, nîûndû Ngai wake nîamûthomithagia.