1Atha 6:23 - ÎVUKU RÎA ÛVORO MWARO

²³ Solomoni nîwarûthire mîvuanano îîrî ya Akerubi ya mbaû cia mîtamaiyû îrîa îciaraga matunda na akîmiga vandû varîa vatheru Mûno. Wa mûvuanano ûmwe warî na ûraca na îgûrû wa mita inya na cendimita mîrongo îîrî.

1Atha 6:23 ပူးပေါင်းရင်းမြစ်များ

Kîam 3:24

Ngai-Mûnene nîwengatire mûndû na akiga ciûmbe irî mwoyo cietagwa Akerubi mwena wa îrathîro wa mûgûnda wa Edeni, na rûviû rwarîrîmbûkaga mwaki na rwathiûrûrûkaga mîena yonthe. Eekire ûguo nîguo njîra îrîa îthiîte mûtîrî wa mwoyo ndîkathiîrîrwe.

1Atha 6:24

Îthagu rîmwe rîa Kerubi wa mbere rîarî na ûraca wa mita igîrî na cendimita mîrongo îîrî, narîo rîu rîngî rîarî na ûraca wata ûcio. Kwoguo kuuma mûthiia wa îthagu rîmwe kûthiî mûthiia wa îthagu rîu rîngî vaarî na wariî wa mita inya na cendimita mîrongo îna.

1Atha 6:31

Solomoni nîwacokire agîtuma mîrango îîrî ya mûtî wa mûtamaiyû na akîvinga mûromo wa vandû varîa vatheru Mûno nayo. Mbaû cia kûrûngamia mîrango îo vamwe na mîkîgo yarî na mwanya wa mîena îtano.

1Atha 6:32

Mîrango îo îîrî yagemetue na mîvuanano ya akerubi, mîtî ya mîkîndû na maûa marî matumûku. Mîrango, akerubi, na mîtî ya mîkîndû ciavakîtwe thaavu kuonthe.

Thaburi 18:10

Aagûrûkire na îvenya akuuîtwe nî kîûmbe kîrî mathagu, aaûkire na îvenya avurutîtwe nî rûkûngi ta ûrîa gîconi kîgûrûkaga.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Isaia 37:16

“We Ngai-Mûnene mwene vinya wonthe, Ngai wa Isiraeli, ûrîa wîkarîrîte gîtî Kîam ûthamaki îgûrû rîa akerubi, we wenga nîwe Ngai wa mothamaki monthe ma nthî; we nîwe waûmbire îgûrû na nthî.

Ezek 41:24

Mîrango îo yarûthîtwe wa mûrango ûrî wa icunjî igîrî, kwoguo mîrango îo yavingûkagîra gatagatî.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.