1Atha 5:1 - ÎVUKU RÎA ÛVORO MWARO

¹ Hiramu mûthamaki wa Turo nîwatûmire ndungata ciake kûrî Solomoni rîrîa eegwire atî andû nîmaathuurîte Solomoni atuîke mûthamaki vuva wa îthe Daudi. Ekire ûguo nîûndû aatûûrîte endete Solomoni.

1Atha 5:1 ပူးပေါင်းရင်းမြစ်များ

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

2Sam 5:11

Hiramu mûthamaki wa Turo nîwatûmire anjaama mathiî makavirîre Daudi mîtarakwe, vamwe na mafundi ma mbaû na ma nyomba cia mathiga nîguo mamûtumîre nyomba.

2Sam 8:10

nîwatûmire mûvîcî, Joramu kûrî mûthamaki Daudi akamûkethie akîmûcokagîria ngatho nîûndû wa kûvoota Hadadezeri, ûrîa Toi aatûîre arûaga nake. Joramu nîwavirîre Daudi iveo ciarûthîtwe na thaavu, sîlûva na gîcango.

1Atha 10:25

Andû onthe arîa maathiîcaga kûrî ke nîmaamûviragîra iveo. Iveo icio ciarî indo cia sîlûva, thaavu, nguo, indo cia mbaara, mînyamû mînungi waro, maguta kuuma mûtî wa mare, mbarathi na nyûmbû. Gwekîkaga ûguo wa mwaka wa mwaka.

1Atha 5:10

Kwoguo Hiramu nîwavirîre Solomoni mîtî ya mîtarakwe na ya mîvondo îrîa eendaga,

1Atha 5:13

Mûthamaki Solomoni nîwaûnganirie andû ngiri mîrongo îthatû (30,000) kûu Isiraeli kuonthe arîa maarutithagua wîra wa vinya,

1Maû 14:1

Mûthamaki Hiramu wa Turo nîwatûmire anjaama kûrî Daudi, na agîtûma mîtî ya mîtarakwe, mavundi ma gûtuma na mathiga na mavundi ma mbaû nîguo magatumîre Daudi nyomba.

2Maû 17:11

Afilisiti amwe nîmaavirîre Jehoshafati iveo, na sîlûva nyîngî. Nao Aarabu nîmaamûvirîre ndûrûme ngiri mûgwanja cia magana mûgwanja (7,700) na nthenge ngiri mûgwanja cia magana mûgwanja (7,700).

2Maû 2:3

Solomoni nîwatûmanire kûrî Hiramu, mûthamaki wa Turo na akîmwîra atîrî, “Mindîra mîtî ya mîtarakwe ta ûrîa wekire vava Daudi rîrîa wamwindîre mîtî ya gûtuma nyomba yake.

2Maû 9:26

Solomoni nîke warî mûthamaki mûnene gûkîra athamaki onthe arîa maathanaga kuuma rûnjîrî rwa Farati nginya vûrûrirî wa Afilisiti, na nginya mûvakarî vûrûri wa Misiri.

Ezira 4:20

Jerusalemu kwîthîrîtwe kûrî na athamaki marî vinya na makîatha vûrûri wonthe ûrîa ûrî mûringo wa Rûnjî rwa Farati na mwena wa îthûîro. Nî maaûnganagia gooti cia mîthemba yonthe.

Thaburi 45:12

Andû a Turo nîmagaakûretera iveo makîyendithia kûrî we; andû arîa itonga nîmakaageragia kwîyendithia kûrî we.

Thaburi 72:8

Aroathana kuuma îriarî nginya îriarî, kuuma rûnjîrî rwa Farati nginya mîthiia ya nthî.

Thaburi 80:12

Ngai-Mûnene, wamomorire rûthingo rûrîa rwaûthiûrûrûkîrîtie nîkî? Rîu andû arîa mavîtûkagîrîra kuo mathiîcaga magîtucaga thavibu.

Ntha 34:24

Narîkia kwîngata ndûrîrî irîa ciîngî nîngaanenevia vûrûri wenyu. Na vîndî ya irugo icio ithatû rîrîa mûkethagîrwa mûthiîte mbere ya Ngai-Mûnene, Ngai wenyu kûmûgooca, gûtirî mûndû ûkeerirîria vûrûri wenyu.

Isaia 23:1

Îno nîyo ndûmîrîri îgiî Turo. Mue meri cia Tarishishi, rîrani, nîûndû îtûûra rîa Turo nîrîcûkangie. Nyomba ciakuo na kûrîa meri irûngamaga nîkwomomore. Nîmûkaamenyithua ûvoro ûcio mwacoka kuuma Kuporo.

Ezek 19:11

Itina cia yo irîa ciarî na vinya mûno, nîciatuîkire mîragi ya wathani. Nîwarûngamire ûkîoneka ûrî mûraca mûno na îgûrû, ûrî na mvûa nyîngî.

Amosi 1:9

Ngai-Mûnene arauga atîrî, “Andû a îtûûra rîa Turo matûûraga mevagia, kwoguo ndigatiga kûmaverithia. Nîmoocire vûrûri wonthe na makîûvira îthamîriorî Edomu. Nîmaaunire kîrîkanîro Kîam thayû kîrîa maarûthîte.

Ndari 24:7

Ndoo ciao ikethagîrwa irî na manjî ma kwîgana, mîgûnda yao îkethagîrwa îrî na mbura ya kwîgana. Mûthamaki wao akethîrwa arî mûnene gûkîra Agagi, ûthamaki wake ûkethagîrwa ûrî mûnene na mwariî.

Luka 7:5

nîûndû ke nîwendete andû etû na nîwatûtumîre îvoero.”

Gûco 20:11

Andû a îtûûra rîu mangîkaauga marenda thayû, nîmagaatuîka ngombo cienyu na mûmarutithagie wîra na vinya.

1Sam 10:27

Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.