1Atha 3:3 - ÎVUKU RÎA ÛVORO MWARO

³ Solomoni nîwendeete Ngai-Mûnene na nîwavingagia mawatho ma îthe Daudi. Nwatî nîwarutagîra magongoona na ûbani irîmarî.

1Atha 3:3 ပူးပေါင်းရင်းမြစ်များ

1Atha 11:34

Nwatî ndigaacuuna Solomoni ûthamaki wonthe, na nîngûtûma atûûre arî mûthamaki ûtûûrorî wake wonthe. Ngeeka ûguo nîûndû wa gîtîîo Kîam ndungata yakwa Daudi, ûrîa naathuurire na akîathîkîra mawatho makwa na irîra irîa naamwathire.

1Atha 11:38

Ethîrwa ûkathîkagîra maûndû monthe marîa ngwathîte, ûgîkaga maûndû marîa maro, na wathîkagîre irîra cia mawatho makwa, ûkîvingagia maathani makwa wata ûrîa ndungata yakwa Daudi eekire, ngethagîrwa vîndî cionthe nîrî vamwe nawe. Nîngaagûtua mûthamaki wa Isiraeli na ndûme njiarwa ciaku itûûre ciathanaga vuva waku, wata ûrîa nekire Daudi.

1Atha 11:4

Vîndî îrîa Solomoni aakûrire, aka acio ake nîmaatûmire agarûrûke na agooce ngai cia kûndû kwîngî. Ke ndaarî mwîvokeku kûrî Ngai-Mûnene, Ngai wake ta ûrîa îthe Daudi eekariî.

1Atha 11:6

Kwoguo Solomoni nîwevirie mbere ya Ngai-Mûnene na ndaamûrûmagîrîra viû maûndûrî monthe ta ûrîa îthe Daudi eekaga.

1Atha 14:23

Nîmeerûthîrîte kûndû kûrîa kwagoocagîrwa ngai cia mîvunano, itugî na mîvuanano ya Ashera mîenarî yonthe ya irîma irîa ndaca na rungu rwa mîtî yonthe îrîa yarî na iruru.

1Atha 14:8

Nagaûrire ûthamaki kuuma kûrî njiarwa cia Daudi, na ngîkûnengera guo. Nwatî we ndûrethagîrwa wîkariî ta Daudi, ndungata yakwa ûrîa warûmagîrîra Watho wakwa na agekaga maûndû marîa nie noonaga magîrîrîte.

1Atha 15:11

Asa nîwekire maûndû marîa maakenagia Ngai-Mûnene wata ûrîa Daudi eekaga.

1Atha 15:14

Wana ethîrwa Asa ndaacûkangia kûndû kuonthe kûrîa gûtûgîru gwa kûgoocagîrwa, nîwatûûrire arî mwîvokeku kûrî Ngai-Mûnene ûtûûrorî wake wonthe.

1Atha 15:3

Nîwekire mevia monthe ta marîa meekagwa nî îthe, na ndaarûmîrîra Ngai-Mûnene, Ngai wake na ngoro yonthe ta ûrîa îthe Daudi, îthe eekaga.

1Atha 15:5

Ngai-Mûnene eekire ûguo nîûndû Daudi eekaga maûndû marîa maakenagia Ngai-Mûnene na ûtûûrorî wake wonthe ndaanarega kwathîkîra mawatho marîa aamwathîte, tiga ûvoro wîgiî Uria, ûrîa Mûhiti.

1Atha 22:43

Jehoshafati nîwekire maûndû maro mbere ya Ngai-Mûnene wata ûrîa îthe Asa eekire; nwatî ndaacûkangia kûndû kûrîa kwagoocagîrwa, nao andû nwa maarutagîra magongoona kuo na makavîvagîria ûbani kuo.

1Atha 22:44

Jehoshafati nîmeekarire marî na thayû na mûthamaki wa Isiraeli.

1Atha 3:14

Na ethîrwa ûkambathîkagîra na ûvingagie mawatho na maathani makwa ta ûrîa aguo Daudi eekaga, nîngaakûva ûtûûro mûraca.”

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

1Atha 8:25

Kwoguo we Ngai-Mûnene, Ngai wa Isiraeli, rîu vingia kîîranîro kîrîa werîre vava Daudi rîrîa wamwîrire atî, ‘vîndî cionthe gûkethagîrwa kûrî na mûndû wa njiarwa ciaku ûkethagîrwa arî mûthamaki wa Isiraeli, ethîrwa mûkambathîkagîra wata ûrîa aakwathîkagîra.’

1Atha 8:61

Mue andû ake mûrotuîka evokeku kûrî Ngai-Mûnene, Ngai wetû vîndî cionthe, mûkîathîkagîra mawatho make na kûrûmîrîra irîra cia watho wake wata ûrîa mwîkaga nginya rîu.”

1Atha 9:4

Ethîrwa ûkaandungatagîra ûrî na wîvokeku na ûthingu ta ûrîa aguo Daudi eekaga, na ûvingagie mawatho makwa na maûndû monthe marîa ngwathîte,

2Atha 12:3

Kûnarî ûguo, kûndû kûrîa gûtûgîru kwagoocagîrwa gûtiacûkangua, na andû nîmaathiîre na mbere kûrutîra magongoona kuo.

2Atha 12:4

Joashi nîwerire athînjîri-Ngai atîrî, “Ocanagiani mbeca cionthe irîa ikaretagwa hekarûrî. Nacio nî: mbeca irîa ciumanaga na kwendia indo irîa nyamûre, mbeca irîa mûndû eranîrîte, mbeca cia gwîtara, na mbeca irîa irutagwa nî mûndû na njîra ya kwîyendera.

2Atha 14:3

Amazia nîwekire maûndû marîa maakenagia Ngai-Mûnene, nwatî ndeeka ta ûrîa îthe wa tene Daudi eekaga. Vandû va ûguo nîwekire maûndû monthe marîa îthe Joashi eekîte.

2Atha 14:4

Ndaacûkangia kûndû kûrîa kwagoocagîrwa mîvuanano, na andû nîmaathiîre na mbere kûruta magongoona na kûvîvîria ûbani kuo.

2Atha 15:35

Nwatî kûndû kûrîa kwagoocagîrwa mîvuanano gûtiacûkangua; na andû nîmaathiîre na mbere kûruta magongoona na kûvîvîria ûbani kuo. Jothamu nîwatumire kîvingo Kîam mwena wa rûgûrû Kîam hekarû.

2Atha 15:4

Nwatî kûndû kûrîa kwagoocagîrwa mîvuanano gûtiacûkangua, na andû nîmaathiîre na mbere kûruta magongoona na kûvîvîria ûbani kuo.

2Atha 18:22

“Nwatî mûngîmbîra atî mwîvokete Ngai-Mûnene Ngai wetû, menyani atî Hezekia nîwacûkangirie kûndû kûrîa gûtûgîru kûrîa Ngai-Mûnene aagoocagîrwa na akîomomora metha cia kîgongoona na akîra andû a Juda na a Jerusalemu magoocagîre metharî ya kîgongoona îrîa îrî Jerusalemu.

2Atha 18:4

Nîwacûkangirie kûndû kûrîa kwagoocagîrwa ngai cia mîvuanano, nîwomomorire itugî cia mathiga, na agîtemanga mîvuanano ya ngai ya nga ya Ashera. Na nîwaunangire njoka ya gîcango tûcunjî îrîa Musa aarûthîte, îrîa yetagwa Nehushitani, nîûndû andû a Isiraeli nwa maamîvîvagîria ûbani na makamîgooca.

2Maû 15:17

Wana ethîrwa Asa ndaacûkangia kûndû kuonthe kûrîa kwagoocagîrwa ngai cia mîvuanano vûrûrirî wa Isiraeli, ke aarî mwîvokeku kûrî Ngai-Mûnene ûtûûrorî wake wonthe.

Thaburi 145:20

Ngai-Mûnene nîagitagîra arîa onthe mamwendete, nwatî nîagaacûkangia arîa onthe aganu.

Thaburi 31:23

Endani Ngai-Mûnene, mue andû onthe ake. Ngai-Mûnene nîagitagîra andû arîa evokeku, nwatî nîaverithagia arîa etîi wata ûrîa kwagîrîrîte.

Alawi 17:5

Watho ûyû ûrî vo nîguo andû a Isiraeli maretagîre Ngai-Mûnene nyamû irîa matwîre maûragagîra na kûu nja ya mûromo wa îgema rîa Ngai-Mûnene. Makaairetagîra mûthînjîri-Ngai vau mûromorî wa îgema rîa Ngai-Mûnene na magaciûragîra vo irî matega ma thayû.

Mathaayo 22:37

Nake Jesû nîwamûcokerie atîrî, “Enda Mwathani, Ngai waku na ngoro yaku yonthe, na mwoyo waku wonthe, wana meciria maku monthe.

Johana 14:15

“Ethîrwa nîmûmendete, mûkaathîkagîra maathani makwa.

Johana 14:21

“Mûndû wa wonthe wamûkagîra maathani makwa na akamathîkîra nîke ûmendete. Vava akendaga mûndû ûrîa ûmendete, wa nanie ngaamwendaga na ngeyonithanagia kûrî ke.”

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

1Akor 8:3

Nwatî Ngai nîwîcî mûndû wa wonthe ûmwendete.

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 10:13

na kwathîkagîra maathani monthe na mawatho marîa ngûmwatha mûvingie ûmûnthî nîûndû wa wagîrîru wenyu.

Gûco 11:13

“Kwoguo, athîkagîrani maathani marîa ngûmûva ûmûnthî; endagani Ngai-Mûnene Ngai wenyu na ngoro yonthe na mûmûtungatagîre na mwoyo wonthe.

Gûco 30:16

Ethîrwa nîmûkûvingia maathani ma Ngai-Mûnene Ngai wenyu marîa ngûmûva ûmûnthî na njîra ya kwenda Ngai-Mûnene Ngai wenyu, kûrûmîrîra njîra ciake, kûvingia mawatho make, kûrûmîrîra matuîro make ma ciira na irîra ciake, nîmûgaatûûra na mwongerereke, na Ngai-Mûnene Ngai wenyu nîakaamûrathima mûrî vûrûrirî ûrîa mûgûtonya mûwîgwatîre.

Gûco 30:20

Mwenda Ngai-Mûnene Ngai wenyu na mwamwathîkîra na mûtuîke evokeku kûrî ke, nî mûgûtûûra vîndî ndaca vûrûrirî ûrîa Ngai-Mûnene Ngai wenyu eerîre methe menyu: Iburahimu Isaka na Jakovu na mwîvîtwa atî nîakaamava.”

Gûco 30:6

Ngai-Mûnene, Ngai wenyu nîakaamûva, mue na njiarwa cienyu ngoro îrî na wathîki nîguo mûmwende na ngoro yonthe, na mûthiî na mbere gûtûûra îvinda îraca vûrûrirî ûcio.

Gûco 6:5

Endani Ngai-Mûnene, Ngai wenyu na ngoro yonthe na mwoyo wonthe, na vinya wenyu wonthe.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Sam 9:12

Nao erîtu acio nîmaacokirie, “Ii, arî kuo, arî vau mbere yenyu thiîcangani. Ke aukîte îtûûrarî wa rîu, nîûndû andû nîmaûkîte ûmûnthî kûruta îgongona kûndû kûrîa gûtûgîru.