1Atha 22:53 - ÎVUKU RÎA ÛVORO MWARO

⁵³ Nîwatungatîre Baali na akîmîgooca na akîrakaria Ngai-Mûnene, Ngai wa Isiraeli na maûndû ta marîa îthe eekîte.

1Atha 22:53 ပူးပေါင်းရင်းမြစ်များ

1Atha 14:16

Ngai-Mûnene nîagaatiganîria Isiraeli nîûndû Jeroboamu nîwîvîtie na nîatûmîte andû a Isiraeli mevie.”

1Atha 16:7

Ndûmîrîri îo yatûmanirwe nî Ngai-Mûnene kûrî Baasha na andû a nyomba yake, yavecanirwe nî mûrathi Jehu mûvîcî wa Hanani nîûndû wa mevia marîa Baasha eekîte mbere ya Ngai-Mûnene. Baasha aarakaririe Ngai-Mûnene nîûndû wa maûndû macûku marîa eekire wata marîa mûthamaki Jeroboamu eekîte, wa vamwe na kûûraga andû onthe a nyomba ya Jeroboamu.

1Atha 21:25

(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.

1Atha 21:29

“Nîwonete ûrîa Ahabu enyivîtie mbere yakwa? Nîûndû nîekîte ûguo, ndikaamûretere ûndû mûcûku ûtûûrorî wake; nwatî ngaarete ûndû mûcûku nyombarî yake vîndî ya ûtûûro wa mûvîcî.”

2Atha 1:2

Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

2Atha 3:2

Nîwevirie mbere ya Ngai-Mûnene, wana ethîrwa ndeevia mûno ta îthe kana ng'ina Jezebeli, nîûndû nîwacûkangirie mûvuanano wa Baali ûrîa îthe aarûthîte.

2Atha 8:18

Mûka aarî mwarî wa Ahabu. Kwoguo nîwekire maûndû macûku wata marîa meekagwa nî andû a nyomba ya Ahabu na athamaki a Isiraeli. Nîwevîrie Ngai-Mûnene,

2Maû 20:35

Vuvarî, mûthamaki Jehoshafati nîmaanyitanîre na Ahazia, mûthamaki wa Isiraeli. Ahazia nîwekîte maûndû meengî ma waganu.

Thaburi 106:29

Ciîko ciao nîciatûmire Ngai-Mûnene arakare, na makînyitwa nî mûrimû mûcûku.

Isaia 65:3

Andû aya mekaraga makîndakaragia vîndî cionthe. Marutagîra mîvuanano yao magongoona tûmîtitûrî tûrîa twamûre, na makavîvagîria ûbani îgûrû rîa metha cia magongoona irîa itumîtwe na matuvarî.

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.