1Atha 22:52 - ÎVUKU RÎA ÛVORO MWARO

⁵² Nîwekire maûndû macûku mbere ya Ngai-Mûnene na njîra ya kûrûmîrîra maûndû marîa îthe Ahabu, ng'ina Jezebeli, na mûthamaki Jeroboamu meekaga. Andû acio nîo maatûmîte Aisiraeli mevie.

1Atha 22:52 ပူးပေါင်းရင်းမြစ်များ

1Atha 15:26

Nîwekire maûndû macûku mbere ya Ngai-Mûnene, na akîrûmîrîra mîtugo mîcûku ya îthe, na mevia make magîtûma Aisiraeli mevie.

1Atha 15:34

Nîwevirie mbere ya Ngai-Mûnene, na akîrûmîrîra mîtugo mîcûku ya mûthamaki Jeroboamu na agîtûma andû a Isiraeli mevie.

1Atha 21:25

(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.

1Atha 22:40

Rîrîa Ahabu aakwire, mûvîcî Ahazia nîwatuîkire mûthamaki vuva wake.

2Atha 3:3

Nwatî nîwathiîre na mbere gwîka wîvia ûrîa wekagwa nî Jeroboamu, mûvîcî wa Nebati, ûndû ûrîa watûmire andû a Isiraeli mevie na ndaatigana naguo.

2Atha 8:27

Ahazia aarî mûthoniwe wa mûciî wa Ahabu na nîwekire maûndû marîa mekagwa nî andû a nyomba ya Ahabu. Kwoguo Ahazia nîwevîrie Ngai-Mûnene wata ûrîa andû a nyomba ya Ahabu meekire.

2Atha 9:22

Rîrîa Joramu oonire Jehu, nîwamûririe atîrî, “Ûkîte na thayû?” Nake Jehu nîwamûcokerie atîrî “Kûngîthîrwa kwî na thayû atîa rîrîa ûragûri na ûvoi wa ngai cia mîvuanano irîa ciaretirwe nî nyûkwe, Jezebeli ciîngîvîte ûguo?”

2Maû 22:3

Ahazia nîwarûmîrîre mîthiîre ya andû a mûciî wa mûthamaki Ahabu nîûndû Ahazia aataaragwa nî ng'ina Athalia. Athalia aarî mwarî wa Ahabu.

Maariko 6:24

Kwoguo mwîrîtu ûcio nîwaumire na nja na akîûria ng'ina atîrî, “Nie nîmbîtia ndûî?” Nake Herodia nîwacokerie mwarî atîrî, “Îtia kîongo Kîam Johana Mûvatithania.”

Kûguû 3:20

Ta roriani! Nie nûngamîte mûrangorî ngîringaringa mûndû wa wonthe ûkwîgua mûgambo wakwa na amvingûrîre mûrango, nie nîngûtonya na ndîcanîre nake, nake arîcanîre nanie.