1Atha 22:48 - ÎVUKU RÎA ÛVORO MWARO

⁴⁸ Mûthamaki Jehoshafati nîwatumire meri cia Tarishishi cia kûgîra thaavu vûrûrirî wa Ofiri; nwatî meri icio itiathiî nîûndû nîciaunîkangîre Ezioni-geberi.

1Atha 22:48 ပူးပေါင်းရင်းမြစ်များ

Kîam 27:37

Isaka nîwacokerie Esaû atîrî, “Nînamûtua mwathi waku, nawe vamwe na andû onthe enyu mûkamûtungatagîra. Nînamûva irio na ndivei. Rîu gûtirî ûndû nîngîgwîka, mûvîcîwa!”

2Sam 8:14

Ke nîwatumire ciîkaro cia athigari ake a mbaara vûrûrirî wonthe wa Edomu, nao andû a kuo magîtuîka ndungata cia Daudi. Nake Ngai-Mûnene nîwatûmire Daudi avootane kûrîa kuonthe aathiîcaga.

1Atha 10:22

Solomoni aarî na gîkundi Kîam meri cia Tarishishi ciathiîcaga vamwe na gîkundi Kîam meri cia Hiramu. Varî îvinda rîa mîaka îthatû, meri icio cia Tarishishi nîciacokaga rita rîmwe ikuuîte thaavu, sîlûva, mîguongo, nthinwa na ngoroi.

1Atha 22:49

Ahazia mûvîcî wa Ahabu nîwacokire akîra Jehoshafati atîrî, “Tiga ndungata ciakwa ithiîcanie na ndungata ciaku merirî.” Nwatî Jehoshafati nîwaregire ûguo.

1Atha 9:26

Mûthamaki Solomoni nîwacokire agîtuma meri nyîngî kûu Ezioni-geberi, vakuvî na Elothi, rûtererî rwa Îria Îtune, kûu vûrûrirî wa Edomu.

1Atha 9:28

Nao nîmaathiîre na magîkinya vûrûrirî wa Ofiri, na magîcoka na thaavu makîria ya kilo ngiri îkûmi na inya (14,000) na makîvirîra mûthamaki Solomoni.

2Atha 3:9

Kwoguo Jehoramu, mûthamaki wa Isiraeli nî maathiîre na mûthamaki wa Juda na wa Edomu. Vuva wa kûthiîrîra njîrarî yarî na ithioro nyîngî îvinda rîa mîthenya mûgwanja, manjî marîa maarî namo nîmaathirire. Kwoguo matiarî na manjî mangîanyuirwe nî athigari kana nyamû irîa maathiîte nacio.

2Atha 8:20

Vîndî ya ûthamaki wa Jehoramu, andû a Edomu nîmaaregire kwathwa nî mûthamaki wa Juda na nîmaathuurire mûthamaki wao.

2Maû 20:21

Mûthamaki Jehoshafati arîkia kwaranîria na andû, nîwathuurire andû a kwina na akîmatha mekîre nguo cia nyîmbo, macoke mathiî marî mbere ya athigari a mbaara makinaga atîrî, “Cokeriani Ngai-Mûnene ngatho! Nîûndû wendo wake ûtathiraga nî wa tene na tene!”

2Maû 25:7

Nwatî mûndû wa Ngai nîwerire Amazia atîrî, “Mûthamaki, ndûkathiî mbaararî na athigari a Isiraeli nîûndû Ngai-Mûnene ndarî vamwe na andû a Isiraeli, ndarî vamwe na andû aya onthe a Efiraimu.

2Maû 9:21

Meri cia mûthamaki ciathiîcaga Tarishishi ikîmenyagîrîrwa nî ndungata cia mûthamaki Huramu. Vuva wa mîaka îthatû, meri icio nîciaretaga thaavu, sîlûva, mîguongo, nthinwa, na ngoroi kuuma Tarishishi.

Thaburi 45:9

Erîtu a mûthamaki nî amwe a erîtu arîa magûtûngaga, naguo mwenarî waku wa ûrîo varûngamîte mûthamaki mûndûmûka, ekîrîte mathaga ma thaavu ya Ofiri.

Thaburi 48:7

Meekarire ta meri cia Tarishishi, ûrîa cikanagua îriarî nî rûkûngi rûnene.

Isaia 2:16

Nîagaacûkangia meri cia Tarishishi, na acûkangie matarû monthe mathaka.

Isaia 60:9

Nî meri ciumîte mavûrûrirî ma kûraca, itongoreretue nî meri cia Tarishishi. Iretete andû aku kuuma kûndû kûraca, marî na sîlûva na thaavu ciao, nîûndû wa rîîtwa rîa Ngai-Mûnene Ngai wenyu, na nîûndû wa Ûrîa Mûtheru wa Isiraeli, nîûndû nîatûmîte mûgîe riiri.

Jona 1:3

Jona nîwambîrîre rûgendo, nwatî aanyitire njîra erekerete Tarishishi nîguo aûrîre Ngai-Mûnene. Nîwathiîre nginya Jopa, kûrîa eethîrîrie meri îmwe îrî vakuvî kûthiî Tarishishi. Kwoguo nîwarîvire mbeca cia rûgendo na agîtwa merirî na makîthiî Tarishishi na andû acio engî, nîguo aûrîre Ngai-Mûnene.