1Atha 22:27 - ÎVUKU RÎA ÛVORO MWARO

²⁷ Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

1Atha 22:27 ပူးပေါင်းရင်းမြစ်များ

1Atha 13:4

Rîrîa mûthamaki Jeroboamu eegwire ûguo, nîworotire mûndû ûcio na njara arûngamîte vau metharî ya kîgongoona na akîathana atîrî, “Nyitani mûndû ûcio!” Wa rîmwe, njara îo mûthamaki oorotete mûrathi nayo nîyaûmagarire na akîremwa nî kûmîthunithia rîngî.

1Atha 22:26

Mûthamaki Ahabu nîwathire ûmwe wa ndungata ciake akîmwîra atîrî, “Nyita Mikaia na ûmûvire kûrî Amoni, mûnene wa îtûûra na kûrî Joashi, mûvîcî wa mûthamaki.

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

Thaburi 102:9

Ndîcaga mûu ta irio, ndukanagia methori makwa na kîrîa nyunyaga,

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Thaburi 80:5

Nîûtûmîte kîeva gîtuîka irio cietû, na ûgatûva methori matuîka kîndû gîa kûnyua.

Isaia 30:20

Wana ethîrwa Mwathani nîagaatûma mwone mathîna na mînyamaaro, ke nîke mwarimû wenyu na ndakethitha rîngî, nwatî nîmûkaamwona na metho menyu mue ene.

Jeremia 20:2

Pashuri nîwacokire akîriva mûrathi Jeremia, akîmûthaîka na mvîngû, na akîmwiga kîvingorî Kîam mwena wa îgûrû wa Benjamini kûu nyombarî ya Ngai-Mûnene.

Jeremia 29:26

‘Ngai-Mûnene nîwagûtwire mûthînjîri-Ngai vandûrî va mûthînjîri-Ngai Jehoiada, na rîu nîwe mûtongoria hekarûrî. Nî wîra waku kwona atî mûndû wa wonthe wa ngoma, wîtucaga atî nî mûrathi hekarûrî ya Ngai-Mûnene nîwanyitwa na ovwa na mvîngû na aikua njeera.

Jeremia 36:23

Jehudi athoma icunjî ithatû kana inya, mûthamaki nîwatembûrangaga icunjî icio na kaviû, na agîcikia mwakirî. Nîwatembûrangire îvuku rîonthe rîa gîkûnjo na akîrîvîvia rîkîthira.

Jeremia 37:15

Anene acio nîmaarakarire mûno nîûndû wa Jeremia na nîmaamûrivire na makîmwova, na makîmwiga nyomba kwa Jonathani îrîa yagarûrîtwe îgatuîka njeera.

Jeremia 38:6

Kwoguo nîmocire Jeremia makîmwova na mîkanda na makîmwikia kîrikorî Kîam manjî Kîam Malikia mûvîcî wa Mûthamaki kîrîa Kîamrî kûrîa arangîri meekaraga. Kîriko kîu gîtiarî na manjî, Kîamrî na ndaka ntheri. Maamûnyûrûrûkirie mamwovete na mîkanda, nake Jeremia nîwavorokere ndakarî.

Luka 3:20

Ûndû wîngî warî mûcûku mûno ûrîa Herode eekîte nî atî nîwavingîrithîtie Johana njera.

Ciîko 26:10

Na ûguo nîguo nekire nîrî Jerusalemu. Nînaverwe ûvoti nî anene a athînjîri-Ngai na nînaikirie andû eengî a Ngai njeera. Na rîrîa andû acio a Ngai maatuîrîrwe kûûragwa, nînetîkanirie na ûvoro ûcio.

Ciîko 5:18

Nîmaanyitire atûmwa na makîmavingîra njeera îrîa yavingagîrwa andû onthe.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Gûco 16:3

Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.