1Atha 21:21 - ÎVUKU RÎA ÛVORO MWARO

²¹ Kwoguo Ngai-Mûnene arakwîra, atî ‘Nîngaakûretere ûndû mûcûku. Nîngaakûthiria viû na nthirie arûme onthe aku arîa ngombo na arîa matarî ngombo vûrûrirî wa Isiraeli.

1Atha 21:21 ပူးပေါင်းရင်းမြစ်များ

1Atha 14:10

Kwoguo nîngaaretithîria andû a nyomba ya Jeroboamu mûthiro na mbûrage arûme a nyomba yaku arîa marî Isiraeli, arîa ngombo na arîa matarî ngombo vûrûrirî wa Isiraeli. Nîngaathiria andû a mûciî wa Jeroboamu, ta ûrîa mûndû avîvagia mai makathira monthe.

1Atha 15:30

Ûndû ûcio wekîkire nîûndû Jeroboamu nîwevîtie, na agîtûma andû a Isiraeli mevie, na ûndû ûcio nîwatûmire Ngai-Mûnene, Ngai wa Isiraeli arakare.

1Atha 16:3

Kwoguo nîngûkûthiria viû wa vamwe na andû a nyomba yaku, wata ûrîa neekire andû a nyomba ya Jeroboamu mûvîcî wa Nebati.

2Atha 10:17

Rîrîa maakinyire Samaria, Jehu nîwaûragire andû onthe a nyomba ya Ahabu arîa maatigarîte. Eekire ûguo wata ûrîa Ngai-Mûnene aarîtie na njîra ya Elija.

2Atha 10:30

Nake Ngai-Mûnene nîwerire Jehu atîrî, “Nîwîkîte njiarwa cia Ahabu maûndû monthe marîa nendaga wîke, kwoguo nînakwîrîra atî, njiarwa ciaku nginya rûciaro rwa kana nî mageekarîra gîtî Kîam ûthamaki kûu Isiraeli.”

2Atha 14:26

Ngai-Mûnene nîwonire andû a Isiraeli makîthînîka mûno, nîûndû gûtiarî na mûndû wanarî ûmwe ûngîamatethirie.

2Atha 21:13

Ngaaverithia Jerusalemu ta ûrîa nekire Samaria, na Ahabu mûthamaki wa Isiraeli na njiarwa ciake. Ngaathambia Jerusalemu ta ûrîa mûndû athambagia thaani akamîgiria na akamînamia.

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

1Sam 25:22

Ngai arombûraga ethîrwa ndikethîrwa mbûragîte arûme onthe a mûciî wake rûyû mbere ya gûkîe!”

1Sam 25:34

Ngai-Mûnene nîangiririe ndigakûgere ngero. Nwatî nîrevîta na Ngai wa Isiraeli ûrîa ûtûûraga mwoyo atî, kethîrwa ndûnaûkanga kûrî nie arûme onthe a Nabali mangîkethîrwa marî akuû rûyû kîraûko!”