1Atha 20:42 - ÎVUKU RÎA ÛVORO MWARO

⁴² Mûrathi nîwacokire akîra mûthamaki atîrî, “Ngai-Mûnene arauga atî, ‘Nîûndû nîûrekereretie mûndû aûre, ûrîa naathanîte aûragwe, we nîwe ûkûûragwa vandûrî vake, nacio ndungata ciaku ciûragwe nîûndû wa kûrekereria ndungata cia mûndû ûcio ciûre.’ ”

1Atha 20:42 ပူးပေါင်းရင်းမြစ်များ

2Sam 12:7

Nake mûrathi Nathani nîwerire Daudi atîrî, “We nîwe mûndû ûcio, na Ngai-Mûnene, Ngai wa Isiraeli arauga atîrî, ‘Naagûtuire mûthamaki wa Isiraeli na ngîkûvonokia kuuma kûrî Saûlo.

1Atha 20:34

Benihadadi nîwerire Ahabu atîrî, “Nîngaagûcokeria matûûra marîa vava aacunire aguo, na nwa wambîrîrie thoko kûu Damesiki, wata ûrîa vava eekire kûu Samaria.” Nake Ahabu nîwamûcokerie atîrî, “Nîngûrekereria nîûndû wa ûguo wauga.” Kwoguo Ahabu nîwarûthire kîrîkanîro na Benihadadi na akîmûrekereria akîthiî.

1Atha 20:39

Rîrîa mûthamaki wa Isiraeli aavîtûkaga, mûrathi nîwamwîtire na akîmwîra atîrî, “Mwathi wakwa, nie ndungata yaku naarî mbaararî, rîrîa mûthigari aandeteere mûndû ûmwe na akîmbîra, atî menyerere mûndû ûcio; na angîkaaûra nîkwa ngaaûragwa, kana ndîve sîlûva ngiri ithatû (3,000).

1Atha 20:41

Mûrathi nîweyovorire gîtambaa ûthiûrî wake na îvenya, na wa rîmwe, mûthamaki wa Isiraeli nîwamûmenyire atî nî ûmwe wa arathi.

2Atha 6:24

Vuvarî, Benihadadi, mûthamaki wa Sîria nîwatongoririe athigari ake onthe a mbaara na makîthiî makîrigicîria îtûûra rîa Samaria.

2Atha 8:12

Hazaeli nîwaûririe Elisha atîrî, “Mwathi wakwa, ûrarîra nîkî?” Nake Elisha nîwacokerie Hazaeli atîrî, “Nîûndû nîmbîcî maûndû macûku marîa ûgeeka andû a Isiraeli: nîûkavîvia matûûra mao marîa magitîre, ûûrage anake ao, ûûrage ciana ciao, na nîûgaatarûra nda cia aka a Isiraeli arîa marî mavu.”

Alawi 27:29

Gûtirî mûndû ûngîgûrwa rîngî ararî mûnenganîre kûrî Ngai-Mûnene agatuîka wake viû. Mûndû ûcio nwanginya akaaûragwa.

1Sam 28:18

Nîwaregire gwîka ûrîa Ngai-Mûnene aakwathîte na ûkîrega gûcûkangia Amaleki na kîrîa kîonthe maarî nakîo viû. Kîu nîkîo kîratûma Ngai-Mûnene agwîke ûndû ûyû rîu.