1Atha 20:24 - ÎVUKU RÎA ÛVORO MWARO

²⁴ Rîu ruta athamaki arîa mîrongo îthatû na aîrî (32) kuuma varîa wa mûndû arûngamîrîrîte na vandûrî vao wîkîre anene a athigari a mbaara.

1Atha 20:24 ပူးပေါင်းရင်းမြစ်များ

1Atha 20:1

Benihadadi, mûthamaki wa Sîria nîwaûnganirie athigari ake onthe. Nîwatethererue nî athamaki engî mîrongo îthatû na aîrî (32) marî na mbarathi ciao na ikaari cia mbaara, nîwathiîre akîthiûrûrûkîria îtûûra rîa Samaria na akîrîtharîkîra.

1Atha 20:16

Mûthamaki Ahabu na athigari ake maambîrîîrie kûtharîkîra thaa thita cia mûthenya. Vîndî îo Benihadadi na athamaki arîa aarî nao mîrongo îthatû na aîrî (32) maarî magemarî mao makînyua ndivei.

1Atha 20:23

Benihadadi, mûthamaki nîwerirwe nî ndungata ciake atîrî, “ngai cia Aisiraeli nî ngai cia irîmarî na kîu nîkîo gîatûmire matûvoota. Nwatî ethîrwa tûkaarûîra nao kûndû gûkû kwaraganu, nwanginya tûkaamavoota.

1Atha 20:25

Ûngania andû eengî wata arîa maagûtigire, mbarathi na ikaari cia mbaara wata irîa ciaûrire. Tûkaarûa na Aisiraeli tûrî Kîamndarî, na vîndî îno nwanginya tûmavoote.” Mûvîcî wa Hadadi, mûthamaki nîwathikîrîrie mataaro ma ndungata ciake na nîwekire guo.

1Atha 22:31

Mûthamaki wa Sîria nîwathîte anene ake mîrongo îthatû na aîrî (32) a ikaari ciake cia mbaara matikarûe na andû acio engî tiga mûthamaki wa Isiraeli.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.