1Atha 20:20 - ÎVUKU RÎA ÛVORO MWARO

²⁰ na wa Mûisiraeli nîwaûragîre nthû yake îrîa aatharîkîre. Kwoguo Asîria nîmaaûrire, nao andû a Isiraeli makîmarûmîrîria. Nwatî Benihadadi, mûthamaki wa Sîria nîwaûrire atwîte mbarathi, marî na athigari amwe arîa maathiîcaga matûîte mbarathi.

1Atha 20:20 ပူးပေါင်းရင်းမြစ်များ

2Sam 2:16

Nao onthe, wa mûndû nîwanyitire nthû yake kîongo. Na wa mûndû nîwamundire ûrîa wîngî mbaru na rûviû nao onthe mîrongo îîrî na ana magîkua vamwe. Kwoguo vandû vau kûu Gibeoni vetagwa “Kîvaro Kîam Mviû.”

1Atha 15:18

Asa nîwacokire akîruta sîlûva yonthe na thaavu irîa ciatigîtwe hekarûrî na nyombarî ya mûthamaki. Nîwainenganîre kûrî ndungata ciake na agîciîra ivirîre mûthamaki Benihadadi, mûvîcî wa Tabirimoni. Tabirimoni aarî mûvîcî wa Hezioni, mûthamaki wa Sîria, ûrîa watûûraga Damesiki. Nîwerire ndungata icio ciîre Benihadadi atîrî,

1Atha 20:19

Anake arîa maatungataga marî rungu rwa anene a icunjî cia vûrûri nîmaambîrîrie kûtharîkîra, marûmîrîrîtwe nî andû a Isiraeli,

1Atha 20:21

Ahabu mûthamaki wa Isiraeli nîwathiîre mîgûndarî, agîtava mbarathi na ikaari cia mbaara, na nîwaûragire andû eengî mûno a Sîria.

2Atha 19:36

Senakeribu, mûthamaki wa Asîria nîwacokire akiuma kûu na agîcoka mûciî, Nineve na agîtûûra kuo.

Thaburi 33:16

Mûthamaki ndavootanaga nîûndû wa wîngî wa athigari ake a mbaara, mûthigari ndavootanaga nîûndû wa vinya wake.

Thaburi 46:6

Mavûrûri nî mamaku, mothamaki makainaina; rîrîa Ngai aria, nthî nîîrarûkaga ta mûvûra.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Jeremia 41:15

Nwatî Ishumaeli mûvîcî wa Nethania, vamwe na andû anana nîmaaûrire kuuma kûrî Johanani na makîthiî vûrûrirî wa Aamoni.

Alawi 26:8

Andû atano enyu nî makaavoota andû îgana, nao andû îgana enyu nîmakaavoota andû ngiri îkûmi na nî mûkaavoota nthû cienyu.

Atir 7:23

Nao Aisiraeli a kuuma mîvîrîgarî ya Nafutali, Asheri na Manase nîmaarûmîrîre Amidiani na îvenya.