1Atha 20:13 - ÎVUKU RÎA ÛVORO MWARO

¹³ Vîndî wa îo mûrathi ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene araûria kana nîûrona andû aya eengî ûguo nthû ciaku! Nîngûkûvotithia kûmavoota ûmûnthî, na nîûkûmenya atî nînie Ngai-Mûnene.”

1Atha 20:13 ပူးပေါင်းရင်းမြစ်များ

2Sam 10:13

Joabu na andû ake nîmaathiîre mbere kûtharîkîra andû a Sîria, nao andû a Sîria magîtoroka.

1Atha 18:39

Rîrîa andû onthe moonire ûguo, nîmegwîthirie maturumithîtie mothiû mao nthî na makîanîrîra atîrî, “Ngai-Mûnene nîke Ngai! Ngai-Mûnene nîke Ngai!”

1Atha 20:14

Nake Ahabu nîwaûririe atîrî, “Nû ûgûtongoria kûtharîkîra?” Nake mûrathi nîwacokirie atîrî, “Ngai-Mûnene arauga atî, andû ethî arîa marutaga wîra marî rungu rwa anene a icunjî cia vûrûri nîo magaatongoria.” Mûthamaki nîwaûririe atîrî, “Nû ûkaambîrîria kûrûa?” Nake mûrathi nîwacokirie atîrî, “Nîwe ûkaambîrîria.”

1Atha 20:22

Mûrathi nîwacokire akîthiî kûrî mûthamaki wa Isiraeli na akîmwîra atîrî, “Thiî wîvarîrie waro na ûmenye ûrîa ûgwîka, nîûndû mûthamaki wa Sîria nîagaakûtharîkîra îvinda rîu rîngî rîa mvevo.”

1Atha 20:28

Mûndû wa Ngai ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene arauga atî: ‘nîûndû Asîria maugîte atî nie nî ngai ya irîma na tî wa ciandarî, nîngûkûvotithia kûvoota andû acio eengî ûguo na nîmûkaamenya atî nînie Ngai-Mûnene.’ ”

2Atha 13:23

Nwatî Ngai-Mûnene nîwamatugire na akîmeguîra ntha. Ndaamatiganîria macûkangue, nwatî nîwamatethirie nîûndû wa kîrîkanîro kîrîa aarûthîte na Iburahimu, Isaka na Jakovu. Ngai-Mûnene ndaanatiganîria andû ake nginya ûmûnthî.

2Atha 3:18

Gaka nî kaûndû kanini mûno Ngai-Mûnene agîka. Wana nîakaamûvotithia kûvoota Amoabu.

2Atha 7:1

Nwatî Elisha nîwacokirie atîrî, “Thikîrîria ûrîa Ngai-Mûnene arauga! Rûyû îvinda wata rîîrî, vau kîvingorî gîa Samaria kilo ithatû cia mûtu ûrîa mûvinyu mûno ikendagua shekeli îmwe nacio kilo ithathatû cia cairi ikendagua gacunjî kamwe ga sîlûva.”

2Maû 20:15

Jahazieli nîwaugire atîrî, “Mûthamaki Jehoshafati na andû onthe arîa mûtûûraga Juda na Jerusalemu, tanthikîrîriani. Ngai-Mûnene augîte atî, mûtigetigîre na mûtikegue guoya nîûndû wa athigari aya eengî ûguo, nîûndû mbaara tî yenyu nî ya Ngai.

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Ntha 14:18

Na vîndî îrîa ngaamavoota, andû a Misiri nîmakaamenya atî nie nînie Ngai-Mûnene.”

Ntha 16:12

“Nîmbîguîte mateta ma andû a Isiraeli. Meere atî, kîvwaî makaarîcaga nyama na kîraûko makarîa mîgate wa îrîa makwenda. Nao nîmakaamenya atî nînie Ngai-Mûnene Ngai wao.”

Isaia 37:20

Kwoguo rîu, we Ngai-Mûnene, Ngai wetû, tûvonokie kuuma kûrî Sanakeribu, nîguo mothamaki monthe ma nthî mamenye atî we wenga tu nîwe Ngai-Mûnene.”

Ezek 20:14

Nwatî nînekire ûndû wîngî nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 20:22

Nwatî nînathunithirie njara yakwa ndigeke guo nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 6:7

Andû makaaûragîrwa wa kûu mûrî na nîmûkaamenya atî nînie Ngai-Mûnene.

Joeli 3:17

Vîndî îo nîrîo we Isiraeli ûkaamenya atî, nînie Ngai-Mûnene Ngai waku, ndûûraga Zayuni, kîrîmarî gîakwa kîtheru. Jerusalemu îkethîrwa îrî ntheru, na ageni matikaarîvoota rîngî.

Josh 10:8

Nake Ngai-Mûnene nîwerire Joshua atîrî, “Ndûkamakue nîo. Nie nîmûkûveu ûvootani. Gûtirî wana ûmwe wao ûgagwîtirîria.”