1Atha 20:11 - ÎVUKU RÎA ÛVORO MWARO

¹¹ Ahabu mûthamaki wa Isiraeli nîwacokirie atîrî, “Thiîni mwîre mûvîcî wa Hadadi, mûthamaki atî mûthigari njamba etîîaga vuva wa mbaara, nwatî tî mbere ya mbaara.”

1Atha 20:11 ပူးပေါင်းရင်းမြစ်များ

2Atha 3:21

Rîrîa Amoabu onthe meegwire atî athamaki acio athatû nîmaathiîte kûmatharîkîra, arûme onthe arîa mangîavotire gûkuua indo cia mbaara, kwambîrîria ûrîa ûtanathiî mbaararî nginya ûrîa ûtwîre athiîcaga mbaararî nîmeetirwe na makigwa mûvakarî wa vûrûri wao.

Ayubu 41:8

Ta mîvutie na njara na ndûkamîvutia rîngî. Ûkaarûa mbaara ûtaanarûa rîngî.

Nthi 27:1

Ndûgetîîe nîûndû wa ûrîa ûgeeka rûyû, nîûndû ndwîcî gûkethîrwa gwîkariî atîa.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Jeremia 46:17

“Îta Faraû mûthamaki wa Misiri rîîtwa rîrî, ‘Mûndû wa înegene rîa mana.’

Jeremia 9:23

Ngai-Mûnene arauga atîrî, “Mûndû mûûgî ndakegathe na ûûgî wake, na andû njamba matikegathe nîûndû wa vinya wao, na itonga itikegathe na ûtonga wacio.

Mathaayo 26:75

Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”