1Atha 2:33 - ÎVUKU RÎA ÛVORO MWARO

³³ Kwoguo Joabu na njiarwa ciake nîmatûûra marî na kîrumi tene na tene nîûndû wa gîkuû Kîam andû acio. Nwatî Ngai-Mûnene nîatûûra avecaga Daudi, andû a mûciî wake, njiarwa ciake na ûthamaki wake thayû na ûvootani.”

1Atha 2:33 ပူးပေါင်းရင်းမြစ်များ

Kîam 42:22

Reubeni nîwamerire atîrî, “Na kinthî ndiamûkaanirie mûtigeke mwanake ûcio naaî na mûkîrega kwîgua? Kîu nîkîo kîratûma tûrîvue nthakame yake.”

2Sam 14:9

Nake mûndûmûka ûcio nîwerire mûthamaki atîrî, “Mwathi wakwa mûthamaki, wa ûrîa wonthe ûgeeka, andû a mûciî wakwa nanie tûronyitwa nî thîna ûcio; nwatî we mwene na andû a mûciî waku mûrorega kûnyitwa nî thîna wanarî îrîkû.”

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

1Atha 2:44

Nîwîcî waro mavîtia monthe marîa wekire vava Daudi. Kwoguo Ngai-Mûnene nîagaakûverithia nîûndû wamo.

1Atha 8:32

We Ngai-Mûnene nakûthaitha ûkaathikîrîria na ûgaatuithania ndungata ciaku ûrî kûu îgûrû. Ûkaaverithia mûndû ûrîa mwîvia wata ûrîa kwagîrîrîte, nake mûndû ûrîa mûthingu ûgaatûma agîe na maûndû maringanîte na ûthingu wake.

2Atha 5:27

Kwoguo we, na njiarwa ciaku nî mûnyitwa nî mûrimû ûcio mûcûku wa ngothi wa Namani na mûtûûre naguo tene na tene!” Nake Gehazi nîwaumire kûrî Elisha arî mûrwaru mûrimû mûcûku wa ngothi, mwîrî wake ûcerûvîte ta îra.

1Maû 17:27

Kwoguo nîngûkûria ûrathime andû a nyomba ya ndungata yaku nîguo matûûre mbere yaku tene na tene, nîûndû we Ngai-Mûnene arîa magûkenagia kîrathimo gîaku gîtûûraga kûrî o tene na tene.”

Thaburi 101:8

Mûthenya wa mûthenya nîngaacûkangia eki naaî vûrûrirî. Nîngaathiria eki naaî onthe îtûûrarî rîa Ngai-Mûnene.

Thaburi 132:12

Ethîrwa ciana ciaku nîikaavingia kîrîkanîro gîakwa, na maathani makwa marîa ngaamathomithia, anake ao wanao magaatuîka athamaki tawe.”

Thaburi 21:4

Aakûûririe ûmûve ûtûûro, na Nîwamûvere guo, na nîwamûvere ûtûûro wa tene na tene.

Thaburi 89:29

Nîngaatûma njiarwa ciake itûûre ciathanaga tene na tene, na ûthamaki wake ndûkaathira.

Nthi 25:5

Thengutia andû arîa aganu vakuvî na mûthamaki, na ûthamaki wake nîûkeevanda maûndûrî ma kîvooto.

Ezek 17:19

Kwoguo Ngai-Mûnene augîte atîrî, “Wata ûrîa nie ndûûraga mwoyo, nama nîngaamûverithia nîûndû wa kûnyarara mwîvîtwa ûrîa eevîtire na rîîtwa rîakwa na akiuna kîrîkanîro kîrîa twarîkanîre nake.

Ndari 32:23

Nwatî mwarega kûvingia ciîranîro cienyu, nîramwîra nama atî mûkeethîrwa mwîvîtie mbere ya Ngai-Mûnene, na nîmûkaaverithua nîûndû wa wîvia wenyu.

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Atir 9:24

Ûndû ûyû wekîkire nîguo wîvia ûrîa wekirwe wa kûûraga avîcî mîrongo mûgwanja a Gideoni ûrîvîke. Nayo nthakame yao îgîcokerera Abimeleki na andû a Shekemu acio maamwîkîrire vinya nîguo aûrage aa mûrwang'ina.