1Atha 2:27 - ÎVUKU RÎA ÛVORO MWARO

²⁷ Kwoguo Solomoni nîwatigithirie Abiatharu gûtungata arî mûthînjîri-Ngai wa Ngai-Mûnene, na kwoguo Solomoni nîwavingirie ûrîa Ngai-Mûnene aaugîte arî Shilo wîgiî Eli na njiarwa ciake.

1Atha 2:27 ပူးပေါင်းရင်းမြစ်များ

1Atha 2:35

Mûthamaki nîwatuire Benaia, mûvîcî wa Jehoiada mûnene wa athigari a mbaara vandûrî va Joabu, agîcoka agîtua Zadoku mûthînjîri-Ngai vandûrî va Abiatharu.

1Atha 4:4

Benaia mûvîcî wa Jehoiada nîke warî mûnene wa athigari a mbaara. Zadoku na Abiatharu maarî athînjîri-Ngai.

Thaburi 78:60

Nîwatiganîrie îgema rîake rîrîa rîarî Shilo, kûrîa aatûûraga gatagatîrî ka andû.

Mathaayo 26:56

Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.” Nao arutwa ake onthe nîmaaûrire makîmûtiganîria.

Johana 12:38

Ûndû ûyû wekîkire nîguo ciugo ivinge irîa mûrathi Isaia aaugire atîrî: “Mwathani, nû wetîkirie ndûmîrîri îrîa twavecanire? Na nû Mwathani oonirie ûrîa vinya wake wîgana?”

Johana 19:24

Athigari acio nîmaambîrîrie kwîrana atîrî, “Vandû va kûmîatûrana tigani tûmîûthîre nîguo tûmenye nî ûrîkû ûkûthiî nayo.” Ûndû ûyû wekîkire nîguo Mandîko Matheru mavinge marîa maugîte atî: “Nîmaagaanirie nguo ciakwa, na makîûthîra kanjû yakwa.” Na ûguo nwaguo athigari meekire.

Johana 19:28

Jesû nîwaicî atî vuva wa ûguo maûndû monthe maarî marîku. Na nîguo mandîko matheru mavinge nîwaugire atîrî, “Nie nîrî mûnyondu.”

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

1Sam 22:20

Nwatî Abiatharu, ûmwe wa anake a Ahimeleku nîwaûrire na akîthiî kûrî Daudi.