1Atha 19:10 - ÎVUKU RÎA ÛVORO MWARO

¹⁰ Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

1Atha 19:10 ပူးပေါင်းရင်းမြစ်များ

1Atha 18:10

Nînîvîta na Ngai-Mûnene, Ngai waku ûrîa ûtûûraga mwoyo, atî mûthamaki nîaugîte ûcarue mavûrûrirî monthe nthî ng'ima. Rîrîa mûthamaki wa vûrûri mûna auga atî ndûrî vûrûrirî wake, Ahabu nîwendaga mûthamaki ûcio evîte atî ndûrî vûrûrirî ûcio.

1Atha 18:17

Rîrîa Ahabu oonire Elija, nîwamwîrire atîrî, “Kwoguo wî gûkû, we mûndû ûrîa ûretaga thîna gûkû Isiraeli!”

1Atha 18:20

Kwoguo Ahabu nîwatûmanîre Aisiraeli onthe na agîta arathi onthe a Baali na onthe magîtûngana kûu kîrîmarî gîa Karimeli.

1Atha 18:22

Elija nîwacokire akîra andû atîrî, “Nînie tu ndigarîte nîrî mûrathi wa Ngai-Mûnene nwatî arathi a Baali nî magana mana ma mîrongo îtano (450).

1Atha 18:30

Elija nîwacokire akîra andû onthe atîrî, “Ûkani vakuvî nanie.” Nao andû onthe nîmaathiîre vakuvî nake. Elija nîwatumire rîngî metha ya kîgongoona ya Ngai-Mûnene îrîa yamomoretwe.

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

1Atha 19:14

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga.”

1Atha 19:2

Nake Jezebeli nîwatûmire mûnjaama kûrî Elija akamwîre atîrî, “ngai irombûraga ethîrwa rûyû îthaa ta rîîrî ndikaagwîka wata ûrîa wekire arathi.”

1Atha 20:13

Vîndî wa îo mûrathi ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene araûria kana nîûrona andû aya eengî ûguo nthû ciaku! Nîngûkûvotithia kûmavoota ûmûnthî, na nîûkûmenya atî nînie Ngai-Mûnene.”

1Atha 20:22

Mûrathi nîwacokire akîthiî kûrî mûthamaki wa Isiraeli na akîmwîra atîrî, “Thiî wîvarîrie waro na ûmenye ûrîa ûgwîka, nîûndû mûthamaki wa Sîria nîagaakûtharîkîra îvinda rîu rîngî rîa mvevo.”

1Atha 20:35

Ngai-Mûnene nîwathire mûndû ûmwe kuuma gîkundirî Kîam arathi amûrithie mûrathi ûmwe amûringe. Nwatî nîwaregire.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

2Atha 10:16

Jehu nîwerire Jehonadabu atîrî, “Ûka tûthiî nawe nîguo ûkeyonere ûrîa nîîrutîrîte gûtungatîra Ngai-Mûnene.” Kwoguo nîmaathiîre Samaria marî gîkaarirî kîmwe.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Thaburi 119:126

Ngai-Mûnene, gaka nî kavinda gaku ga gwîka ûndû, nîûndû andû nîmaunîte watho waku.

Thaburi 119:139

Nîmbakanagwa nî marakara, nîûndû nthû ciakwa nîiriganagîrwa nî ciugo ciaku.

Thaburi 119:26

Rîrîa naakwîrire maûndû marîa nekîte, we nîwambîgwire; nthomithia mawatho maku.

Thaburi 69:9

Wendo ûrîa mendete nyomba yaku nîguo ûranthiria; irumi irîa makûrumaga nînie inyitaga.

Thaburi 78:37

Matiarî evokeku kûrî Ngai na ngoro ciao, matiavingia kîrîkanîro kîrîa aarîkanîre nao.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 34:14

“Mûtikaagooce Ngai wîngî, nîûndû Ngai-Mûnene ûrîa rîîtwa rîake arî ‘Wîru’, nî Ngai ûrî wîru.

Isaia 49:4

Nwatî nînaugire atîrî, “Ndutîte wîra wa mana! Ndûmîrîte vinya yakwa na gûtirî ûndû ng'unîkîte naguo.” Kûnarî ûguo Ngai-Mûnene nîke ûkaanduîra ciira wakwa na kîvooto; na nîke ûkaandîva wîra wakwa.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Hosea 5:11

Efiraimu nîmûnyamarie, kîvooto gîake gîgakinyangîrwa nthî cirarî nîûndû nîwerutanîrie mûno kûrûmîrîria maûndû matarî makinyanîru.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Ndari 25:11

Finehasi, mûvîcî wa Eliazaru wa Aroni mûthînjîri-Ngai, nîwathiria marakara makwa kûrî andû a Isiraeli. Finehasi nîwareganire na ûvoro wa kûgooca ngai îngî tiga nie. Kîu nîkîo kîgiririe njûkangia andû a Isiraeli onthe narakara.

Ndari 25:13

Finehasi na njiarwa ciake cionthe nîmatûûra marî athînjîri-Ngai nîûndû nîwatuîkire mwîvokeku akîrega kûgooca ngai ciîngî tiga nie. Ke nîwatûmire andû a Isiraeli moverwa mevia mao.

Johana 2:17

Nao arutwa ake nîmaaririkanire atî Mandîko Matheru nîmaugîte atîrî, “Kîîo kîrîa nîrî nakîo nîûndû wa nyomba yaku nîkîo gîkaandîa.”

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Ahib 11:37

Nîmaarivirwe na mathiga, nîmaatûrirwe icunjî igîrî na mîcumano na makîûragwa na rûviû. Nîmaaûrûraga mekîrîte njûo cia ng'ondu na cia mbûri. Maarî athîni, nîmaanyaririrwe na magîkwa maûndû macûku.