1Atha 18:42 - ÎVUKU RÎA ÛVORO MWARO

⁴² Kwoguo Ahabu nîwathiîre akarîe na anyue; nake Elija nîwaunûkirie îgûrû rîa kîrîma gîa Karimeli. Nîwenamîrîrie ûthiû wake nthî, na agîkîra kîongo gatagatî ka maru make.

1Atha 18:42 ပူးပေါင်းရင်းမြစ်များ

Kîam 24:52

Rîrîa ndungata îo ya Iburahimu yegwire ûguo, nîyenamirie ûthiû îkîgooca Ngai-Mûnene.

2Sam 12:16

Daudi nîwavoere kaana kau nîguo kavone. Nîwenyerekirie na ûtukû nîwatonyaga nyomba gwake na akarara amamîte nthî.

1Atha 18:41

Vuva wa ûguo, Elija nîwerire mûthamaki Ahabu atîrî, “Rîu thiî ûkarîe na ûnyue; nîûndû nînîregua mûrurumo wa mbura yûkîte.”

1Atha 18:43

Nîwacokire akîra ndungata yake atîrî, “Rîu thiî na ûrorie mwena wa îriarî.” Ndungata nîyathiîre, îkîroria na îgîcoka. Nîyamwîrire atîrî, “Ndirona kîndû.” Nake Elija nîwamwîrire maita mûgwanja “Thiî ûkarorie.”

1Atha 19:13

Rîrîa Elija eegwire kamûgambo kau, nîwekunîkire ûthiû wake na nguo yake na akiuma akîrûngama mûromorî wa ngurunga. Na wa rîmwe nîwegwire mûgambo ûkîmûria atîrî, “Elija, ûreka atîa ava?”

Ezira 9:6

Na ngîvoya ngiugaga atîrî, “Ngai wakwa, nîregua ngîconoka mûno ngîûkîrîria ûthiû wakwa mbere yaku. Mevia metû maûmbanîrîrîte na îgûrû makavîtûka ciongo cietû, nîmathiîte magakinya îgûrû.

Ayubu 37:11

Ngai ecûragia matu mbura makaritûva, matu manyaganagia mveni ciake.

Thaburi 89:7

We nîwîtigîrîtwe nî Kîamma Kîam arîa atheru, arîa onthe makûrigicîrîtie nîmagwîtigagîra mûno.

Isaia 38:2

Hezekia nîwacokire akîvûgûka akîroria rûthingo na akîvoya Ngai-Mûnene,

Isaia 6:2

Îgûrû rîake kwarûngamîte Aserafi, wa serafi ûmwe aarî na mathagu matandatû; mathagu maîrî maakunîkîte ûthiû wake, maîrî magakunîka magûrû make namo maîrî akîgûrûka namo.

Jeremia 46:18

Wata ûrîa nie Mûthamaki ndûûraga mwoyo, nie Ngai-Mûnene mwene vinya wonthe, nthû nîgaûka kûmûtharîkîra, ta Taboru gatagatî ka irîma, na ta kîrîma gîa Karimeli kîrî rûtere rwa îria.

Danieli 9:3

Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.

Danieli 9:7

We, Mwathani, wîthagîrwa ûrî mûthingu vîndî cionthe. Nwatî tue, tûtûûraga tûrî na gîconoko, wana andû onthe arîa matûûraga Judea na Jerusalemu, na andû onthe a Isiraeli arîa marî mavûrûrirî marîa marî vakuvî na marî kûraca, nîûndû matiarî evokeku kûrî we.

Mathaayo 14:23

Vuva wa kûrekereria kîrîndî, Jesû nîwaunûkirie kîrîmarî arî wenga kûvoya. Na kîvwaî gîakinya, Jesû aarî kîrîmarî arî wenga.

Maariko 14:35

Nake Jesû agendagenda mbere vanini nîwegwîthirie nthî na akîvoya atî angîthîrwa nwa kûvoteke vîndî îo ya thîna ûcio ndîkamûkinyîre.

Luka 6:12

Na mîthenyarî îo, Jesû nîwathiîre kîrîmarî îgûrû kûvoya na agîkara kuo ûtukû mûgima akîvoyaga Ngai.

Ciîko 10:9

Na kîndû ta thaa thita cia mûthenya ûcio warûmîrîrîte wa marî rûgendorî, nîmaakinyire vakuvî na Jopa, na Petero akîthiî nyomba îgûrû kûvoya.

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.

1Sam 12:18

Kwoguo Samueli nîwavoire kûrî Ngai-Mûnene, nake Ngai-Mûnene akîrete ngûa na akiurithia mbura mûthenya wa ûcio. Nao andû onthe nîmeetigîre Ngai-Mûnene na Samueli