1Atha 18:4 - ÎVUKU RÎA ÛVORO MWARO

⁴ na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

1Atha 18:4 ပူးပေါင်းရင်းမြစ်များ

1Atha 13:16

Nwatî mûrathi ûcio waumîte Juda nîwacokirie atîrî, “Nie tûtingîcoka kana tûthiî mûciî nawe. Na ndingîrîa kana nyunyanîra kîndû nawe gûkû,

1Atha 17:11

Rîrîa mûndûmûka wa ndigwa aathiîcaga kûgîra manjî, Elija nîwamwîtire na akîmwîra atîrî, “Nakûthaitha ûndetere kanuku ka mûgate wana ko.”

1Atha 18:13

Nîkwa ûtanerwa ûrîa nekire vîndî îrîa Jezebeli aaûragaga arathi a Ngai-Mûnene, rîrîa naathithire arathi îgana marî ikundi igîrî cia arathi mîrongo îtano na ngîmava mîgate na manjî?

1Atha 18:5

Ahabu nîwerire Obadia atîrî, “Tiga tûthiî vûrûrirî tûkarorie ithimarî cionthe cia manjî na ndeererî cionthe cia nyûnjî twone kana nîtûkwona nyaki mbîganu ya kûva mbarathi na nyûmbû nîguo itigakue cionthe.”

2Atha 6:32

Nîwacokire agîtûma mûnjaama athiî akagîre Elisha. Vîndî îo Elisha aarî mûciî marî na athuuri arîa maathiîte kûmûcerera. Mbere ya mûnjaama ûrîa mûthamaki aatûmîte akinye, Elisha nîwerire athuuri acio atîrî, “Mûragani nîwatûma mûndû aûke ambûrage! Vîndî îrîa agaakinya gûkû, mûkavinga mûrango na mûtikamwîtîkîrie atonye. Mûthamaki ke mwene akethîrwa amumîte vuva.”

2Atha 9:7

Nîûkaûraga andû a nyomba ya mwathi waku, Ahabu nîguo nîîrîvîrîrie nthakame îrîa Jezebeli eetûrûrire ya arathi ndungata ciakwa, vamwe na ya ndungata irîa ciîngî ciakwa cionthe.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Isaia 16:3

Andû a Moabu marera andû a Juda atîrî, “Tûtaareni, mûtwîre ûrîa tûgwîka. Tûthitheni mûtûgitîre, ta ûrîa gûtukaga ûtheri ûkathira. Tûthitheni tue tûraûrûra; mûtigatûkunyanîre tue nîkwa tûrîte.

Jeremia 26:24

Nwatî Jeremia ethagîrwa akîgitîrwa nî Ahikamu mûvîcî wa Shefani, nîguo ndakarekererue kûrî andû aûragwe.

Jeremia 36:19

Nao atongoria onthe nîmerire Baruku atîrî, “Thiîni mûkethithe we na Jeremia na mûtikareke mûndû wana ûrîkû amenya varîa mûrî.”

Mathaayo 21:35

Nao arîmi acio nîmaanyitire ngombo icio, makîriva îmwe, makîûraga îo îngî na îngî makîmîriva na mathiga.

Mathaayo 25:35

Nîûndû nie naarî mûvûtu na mûkîmva kîndû gîa kûrîa, naarî mûnyondu na mûkîmva kîndû gîa kûnyua, naarî mûgeni na mûkûnyita ûgeni kwenyu mûciî,

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Ahib 11:38

Andû acio mationaga vata wa gûtûûra nthî. Maaûrûraga ta ageni werûrî na irîmarî na matûûraga makurungurî na marimarî menjîtwe nthî.