1Atha 18:39 - ÎVUKU RÎA ÛVORO MWARO

³⁹ Rîrîa andû onthe moonire ûguo, nîmegwîthirie maturumithîtie mothiû mao nthî na makîanîrîra atîrî, “Ngai-Mûnene nîke Ngai! Ngai-Mûnene nîke Ngai!”

1Atha 18:39 ပူးပေါင်းရင်းမြစ်များ

1Atha 18:21

Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

1Atha 18:24

Arathi a Baali nîmacoke mete rîîtwa rîa ngai wao, nanie nîngwîta rîîtwa rîa Ngai-Mûnene. Ngai ûrîa ûgûcokia na njîra ya kûrete mwaki, ûcio nîke Ngai wa ma.” Nao andû onthe nîmeetîkirie atî ûndû ûcio nî mwaro.

1Atha 20:13

Vîndî wa îo mûrathi ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene araûria kana nîûrona andû aya eengî ûguo nthû ciaku! Nîngûkûvotithia kûmavoota ûmûnthî, na nîûkûmenya atî nînie Ngai-Mûnene.”

1Atha 8:60

Kwoguo andû onthe a gûkû nthî nîmakaamenya atî Ngai-Mûnene wenga nîke Ngai; na gûtirî wîngî take.

1Maû 21:16

Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.

2Maû 33:13

Ngai nîwegwire mavoya make na akîmwîguîrîra ntha. Kwoguo Ngai-Mûnene nîwamûvotithirie gûcoka Jerusalemu, ûthamakirî wake. Ûndû ûcio nîwatûmire Manase amenya atî Ngai-Mûnene, nî Ngai.

2Maû 7:3

Rîrîa andû a Isiraeli moonire mwaki wanyûrûrûka kuuma îgûrû na riiri wa Ngai-Mûnene ûrî îgûrû rîa hekarû, nîmaaturirie maru na magîturumithia mothiû mao vau vaarîtwe mathiga na makîgooca Ngai-Mûnene makiuga “Ke nî mwaro, wendo wake ûtathiraga nî wa tene na tene.”

Ezira 1:3

Ngai nîekare namue muonthe arîa mûrî ake. Thiîni Jerusalemu nîguo mûgatumîre Ngai-Mûnene, Ngai wa andû a Isiraeli hekarû rîngî. Ngai ûcio nîke ûgoocagîrwa Jerusalemu.

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 118:27

Ngai-Mûnene nî Ngai; nîatûvete ûtheri wake. Nyitani mathîgî na njara mûthiî kîrugorî mûrûmanîrîrîte, mûthiûrûrûke metha ya kîgongoona!

Thaburi 50:7

“Tathikîrîriani mue andû akwa, ûrîa nîrauga! Nîngûruta ûira îgûrû rîaku, we Isiraeli. Nie nînie Ngai, Ngai waku.

Thaburi 94:16

Nîûrîkû wandethirie kûrûa na andû arîa aganu? Nîûrîkû warî mwenarî wakwa ngîrûa na eki naaî?

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ezek 20:5

Meere Ngai-Mûnene augîte atî, mûthenya ûrîa nie naathuurire andû a Isiraeli nîneranîre na mwîvîtwa kûrî njiarwa cia Jakovu na ngîîmenyithania kûrî o marî vûrûrirî wa Misiri. Nevîtire kûrî o ngiuga atî nie nînie Ngai-Mûnene Ngai wenyu.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Ciîko 4:16

“Tue nîtwîka atîa na andû aya? Andû onthe gûkû Jerusalemu nîmamenyete atî andû aya nîmaringîte Kîamma na tue tûtingîvota kûregana na ûvoro ûcio.

Atir 13:20

Rîrîa nînîmbî cia mwaki ciaunûkagia na îgûrû kuuma metharî ya kîgongoona, Manoa na mûka nîmoonire mûraika wa Ngai-Mûnene aunûkîtie na îgûrû arî nînîmbîrî cia mwaki. Manoa na mûka nîmeenamîrîrie mothiû mao nthî makîgooca na matiacoka kwona mûraika ûcio rîngî.