1Atha 18:29 - ÎVUKU RÎA ÛVORO MWARO

²⁹ Wana thaa thita ciavîtûka, nîmaathiîre na mbere kugîrîria ta andû a ngoma makîvoyaga ngai wao nginya kîvwaî rîrîa matega maarutagwa; nwatî gûtirî mûgambo weguîkire, gûtirî mûndû wamacokerie na gûtirî mûndû wamathikîrîrie.

1Atha 18:29 ပူးပေါင်းရင်းမြစ်များ

1Atha 18:26

Nao arathi acio nîmoocire ndegwa îo maanengerirwe, makîmîvarîria na magîta Baali kuuma kîraûko nginya thaa thita cia mûthenya makiugaga atîrî, “We Baali, twîgue!” Nao nîmaainaga makîrûgarûgaga mathiûrûrûkîrîtie metha ya kîgongoona îrîa maatumîte, nwatî matiegua wanarî mûgambo kana macokio.

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

1Atha 22:10

Vîndî îo, Ahabu na Jehoshafati meekîrîte nguo ciao cia ûthamaki makînekarîra itîrî ciao cia ûthamaki vau îtîrirî kîvingorî Kîam gûtonya Samaria, nao arathi onthe maarathaga marî mbere yao.

1Atha 22:12

Nao arathi acio engî nîmaarathire wa ûguo na makiuga atîrî, “Thiî ûkatharîkîre îtûûra rîa Ramothi-gileadii na nîûkûvootana; Ngai-Mûnene nîagûkûvotithia kûmavoota.”

Thaburi 115:4

Mîvuanano ya ngai cia andû a ndûrîrî irûthîtwe na sîlûva na thaavu, irûthîtwe na njara cia andû.

Thaburi 141:2

Amûkîra îvoya rîakwa ta mûtararûko wa ûbani, na wamûkîre njara ciakwa, irîa mbûkîrîrîtie ta îgongoona rîa kîvwaî.

Ntha 29:39

Ûkaarutaga ndûrûme îmwe kîraûko na îo îngî kîvwaî.

Ntha 29:41

Rutaga ndûrûme ya kaîrî kîvwaî vamwe na kilo îmwe ya mûtu ûrîa mûvinyu wa ngano, na lita îmwe ya maguta, na lita îmwe ya ndivei wata îrîa ya kîraûko. Mûtararûko wa matega mama nîûkenagia Ngai-Mûnene.

Ntha 8:14

Nao andû a Misiri nîmaaicokanîrîrie vamwe irûndo nene, na vûrûri wonthe ûkînunga nîûndû wacio.

Isaia 16:12

Rîrîa andû a Moabu makaathiî kûgooca ngai ciao na menogie makîthiî kûrîa kûgoocagîrwa, macoke mathiî hekarûrî yao kûvoya, matikaathikîrîrua.

Isaia 46:7

Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Danieli 9:21

Gaburieli, mûndû ûrîa noonire kîonekirî gîakwa Kîam mbere, nîwaûkire na îvenya nginya varîa naarî. Vîndî îo nîrîo magongoona ma kîvwaî maarutagwa.

Agal 4:8

Tene mûtiaicî Ngai. Kwoguo mwatwîre ûkomborî wa ngai irîa itarî cia ma.

1Sam 10:5

Vuva wa ûguo, we ûthiî na mbere nginya kîrîmarî Kîam Ngai kîrîa kîrî Gibea. Kûu nîkuo Afilisiti matumîte magema mao. Wakinya vau kîvingorî gîa îtûûra ûgatûngana na gîkundi Kîam arathi manyûrûrûkîte makîvûraga inanda, ndarama, mîtûrirû, na ngita. Nao makethîrwa maumîte metharî ya Kîgongoona kûu Kîrîmarî makinaga maugîrîrîtie.

1Sam 18:10

Naguo mûthenya ûcio wîngî roho mûcûku aumîte kûrî Ngai nîwatonyire kûrî Saûlo wa rîmwe arî gwake mûciî na agîkara ta mûndû wî na ngoma. Vîndî îo, Daudi nîkwa aavûûraga ngita wata ûrîa aamenyerete gwîka wa mûthenya wa mûthenya, nake Saûlo aanyitîte îtumû na njara yake.