1Atha 18:26 - ÎVUKU RÎA ÛVORO MWARO

²⁶ Nao arathi acio nîmoocire ndegwa îo maanengerirwe, makîmîvarîria na magîta Baali kuuma kîraûko nginya thaa thita cia mûthenya makiugaga atîrî, “We Baali, twîgue!” Nao nîmaainaga makîrûgarûgaga mathiûrûrûkîrîtie metha ya kîgongoona îrîa maatumîte, nwatî matiegua wanarî mûgambo kana macokio.

1Atha 18:26 ပူးပေါင်းရင်းမြစ်များ

1Atha 18:24

Arathi a Baali nîmacoke mete rîîtwa rîa ngai wao, nanie nîngwîta rîîtwa rîa Ngai-Mûnene. Ngai ûrîa ûgûcokia na njîra ya kûrete mwaki, ûcio nîke Ngai wa ma.” Nao andû onthe nîmeetîkirie atî ûndû ûcio nî mwaro.

1Atha 18:25

Elija nîwacokire akîra arathi a Baali atîrî, “Nîûndû mue mûrî eengî, ambani mwîthuurîre ndegwa îmwe na mûmîvarîrie. Mwîte rîîtwa rîa ngai wenyu, nwatî mûtigakie mwaki.”

1Atha 18:27

Rîrîa thaa thita cia mûthenya ciakinyire, Elija nîwambîrîre kûmathekerera akîmeeraga atîrî, “Voyani mugîrîrîtie mûno, nîûndû ke nî ngai! Nwaethîrwe arî na maûndû areciria, kana arî na kaûndû areka, kana nîmûthiîu rûgendo! Kana nwa ethîrwe amamîte, na nwanginya mûmûramûkie!”

Ntha 8:14

Nao andû a Misiri nîmaaicokanîrîrie vamwe irûndo nene, na vûrûri wonthe ûkînunga nîûndû wacio.

Isaia 37:38

Mûthenya ûmwe, Senakeribu akîgooca arî nyombarî ya Nisiroki, ngai yake, avîcî ake Adurameleki na Sharezeri nîmaamûragire na mviû ciao, na makîûra makîthiî vûrûrirî wa Ararati. Nake mûvîcî, Esarihadoni nîwatuîkire mûthamaki vuva wake.

Isaia 44:17

Nîacaga ngai yake ya mûvuanano na gîcunjî kîu kîngî Kîam mûtî ûcio, na agaûturîria maru akaûgooca. Aûvoyaga akiugaga atîrî, “Mvonokia, nîûndû we nîwe ngai yakwa!”

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Isaia 46:7

Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Jeremia 10:5

Mîvuanano yao îkariî ta inyamû cia kûvavûra iconi irî mûgûndarî wa marenge, ndîngîvota kwaria, nîkwa îkuagwa nîûndû ndîngîvota kûthiî. Ndûkamîtigîre nîûndû ndîngîka ûndû mûcûku, wana kana îka ûndû mwaro.”

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Jona 1:5

Nao amenyereri a meri nîmaamakire mûno, na wa mûndû akîambîrîria kûrîrîra ngai wake. Nîmaacokire magikia mîrigo îo yarî merirî kûu îriarî nîguo meri îvûthavûthe. Vîndî îo Jona nîwanyûrûrûkîte akathiî kanyombarî ka ndaarî ka meri, na kûu nîkuo aamamîte toro ndito.

Habakuku 2:18

Mûvuanano ûrî umithio ûrîkû? Kinthî kîu tî kîndû mûndû arûthîte, nî kîndû gîa gûtambia maveeni tu. Mûturi etîkîtie kîndû kîu erûthîrîte ke mwene, mûvuanano ûtangîvota kwaria.

Habakuku 2:19

Kaî ûrî na thîna-î! We wîraga mûtî gîting'û atîrî: “Ûkîra!” Kana îthiga rîtaragia, “Rûngama.” Mûvuanano nwa ûkûthomithie ûndû? Mûvuanano nwa wîthîrwe ûkunîkîtwe na thaavu na sîlûva, nwatî ndûrî na mwoyo wanarî vanini.

Zefania 1:9

Mûthenya ûcio ngamaverithia onthe, arîa onthe magoocaga ngai cia mîvuanano; na arîa onthe mecûragia nyomba ya mwathi wao, na indo irîa macunanîte na vinya na kwîa.”

Mathaayo 6:7

“Vîndî îrîa mûkûvoya, tigagani gûtûmîra ciugo nyîngî itarî na vata ta ûrîa andû arîa matetîkîtie mekaga. O meciragia atî ngai ciao nîikûmegua nîûndû mavoya mao nî maraca.

1Akor 12:2

Mue nîmwîcî ûrîa mwatûûraga vîndî îrîa mûtaarî atuîku etîkia. Nîmwavîtithagua na njîra nyîngî nîguo atî mûgoocage mîvuanano îtarî mwoyo.

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

1Sam 5:3

Nao andû a Ashidodi maramûka kîraûko tene mûthenya ûcio wîngî, makîthîra mûvuanano ûcio wa Dagoni ûmamîte nthî na îvu namo metho mayo maturumîte nthî vau mbere ya Îthandûkû rîa Kîrîkanîro rîa Ngai-Mûnene. Kwoguo nîmaamîocire na makîmîrûngamia varîa yethagîrwa îrî.