1Atha 18:1 - ÎVUKU RÎA ÛVORO MWARO

¹ Vuva wa mîthenya mîîngî, mwakarî wa kathatû, Ngai-Mûnene nîwerire Elija atîrî, “Thiî wîyonithanie kûrî mûthamaki Ahabu, na nîngurithia mbura nthî.”

1Atha 18:1 ပူးပေါင်းရင်းမြစ်များ

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 17:15

Mûndûmûka ûcio wa ndigwa nîwathiîre na agîka wata ûguo eerîtwe nî Elija. Elija, mûndûmûka ûcio wa ndigwa na nyomba yake nîmaagîre na irio cia kwîgana mîthenya mîîngî.

1Atha 17:7

Vuva wa kavinda kanini karûnjî kau nîkaavwîre nîûndû gûtiarî na mbura vûrûrirî ûcio.

1Atha 18:2

Kwoguo Elija nîwathiîre kwîyonithania kûrî Ahabu. Vîndî îo yûra rîarî rînene mûno kûu Samaria.

1Atha 8:36

nakûthaitha ûkaamathikîrîria ûrî kûu îgûrû. Ûkoovera andû aku a Isiraeli mevia mao, na ûkaamathomithia mîtugo mîaro îrîa magîrîrwe nî kûrûmîrîra. Ûcoke urithie mbura vûrûrirî waku ûrîa waveere andû aku rîrî îgai rîao.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Jeremia 10:13

Vîndî îrîa aruta mûgambo manjî marîa marî îgûrû nîmarurumaga, na nîke ûtûmaga matu mambate kuuma mîthiia ya nthî. Atûmaga rûveni rûvenie rîrîa kûraura, na agatûma rûkûngi rûke rumîte kûrîa rwîkaraga.

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Alawi 26:4

nî ngaamurithîria mbura kavinda karîa kagîrîru, nîguo mîgûnda yenyu îgîcage na irio nyîngî na mîtî îciare matunda.

Amosi 4:7

Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Luka 4:25

Jesû nîwerire andû acio atîrî, “Taririkanani ûrîa gwekîkire vîndî ya Elija, rîrîa gwekarire mîaka îthatû na nuthu gûtakuura mbura, na gûkîgîa yûra rînene mûno vûrûrirî wonthe wa Isiraeli. Nîramwîra na ma atî kwarî na aka eengî a ndigwa,

Gûco 28:12

Ngai-Mûnene nîakaamûvingûrîra mûthithû wake kûu îgûrû amurithagîrie mbura vûrûrirî wenyu mavinda marîa magîrîru na arathimage wîra wenyu. Nîmûgaakovithia mavûrûri meengî, nwatî mûtigaakova kuuma kûrî o.

Jakuvu 5:17

Elija aarî mûndû wa tatue. Nîwavoire arî na kîîo atî gûtikaure na gûtiaura mbura gûkû nthî kwa îvinda rîa mîaka îthatû na nuthu.

Kûguû 11:2

Nwatî ndûkathime kîvaro kîrîa kîrî nja ya hekarû. Ndûgakîthime nîûndû nîkîvecanîtwe kûrî andû a ndûrîrî. Andû acio nîmakaathiga Îtûûra rîrîa rîtheru vandû va mîeri mîrongo îna na îîrî.

Kûguû 11:6

Aira acio marî na ûvoti wa kûgiria mbura yure kavindarî karîa methagîrwa makîanîrîra ndûmîrîri ya Ngai. O marî na ûvoti wa kûgarûra manjî magatuîka nthakame, na wa gûtûma kûgîe na mathîna ma mîthemba mîîngî gûkû nthî maita meengî wa ûrîa mangîenda.