1Atha 17:6 - ÎVUKU RÎA ÛVORO MWARO

⁶ Nîwaviragîrwa mîgate na nyama nî ikûngûrû kîraûko na kîvwaî, na akanyunyaga manjî kuuma karûnjîrî kau.

1Atha 17:6 ပူးပေါင်းရင်းမြစ်များ

1Atha 13:28

Nîwatwîre îgûrû rîayo na akîthiî. Nîwethîre kimba kîu kîmamîte njîrarî, nayo mvunda na mûnyambû irûngamîte vakuvî nakîo. Mûnyambû ndwarî mûrîu kimba kîu kana ûtharîkîra mvunda.

1Atha 17:5

Kwoguo Elija nîwekire wata ûrîa Ngai-Mûnene aamwathire. Nîwathiîre na agîkara vakuvî na karûnjî ga Kerithi karîa getîkaga rûnjîrî rwa Jorodani.

1Atha 17:7

Vuva wa kavinda kanini karûnjî kau nîkaavwîre nîûndû gûtiarî na mbura vûrûrirî ûcio.

1Atha 19:6

Elija nîwaroririe na akîona mûgate wî mûruge ûrî îgûrû rîa makara ma mwaki vakuvî na kîongo gîake. Nîwacokire akîona nyûngû îrî na manjî. Nîwarîre na akînyua, agîcoka akîmama rîngî.

1Atha 19:8

Kwoguo Elija nîwaûkîrire, akîrîa na akînyua na irio icio nîciamwîkîrire vinya na akîthiî rûgendo rwa mîthenya mîrongo îna, ûtukû na mûthenya akîthiî Horebu, kîrîmarî Kîam Ngai.

Thaburi 33:18

Ngai-Mûnene nîaroragia arîa mamwathîkagîra, arîa mevokete wendo wake ûtathiraga.

Thaburi 37:19

Matikaathîna mavinda ma thîna; nîmakethîrwa marî na irio cia kwîgana vîndî ya yûra.

Thaburi 37:3

Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.

Ntha 16:35

Nao andû a Isiraeli nîmaarîre maana îvinda rîa mîaka mîrongo îna nginya rîrîa maakinyire vûrûri wa Kanaani kûrîa maatûûrire.

Isaia 33:16

Mûndû wa mûthemba ûcio atûûraga îgûrû; vandû vake va ûgitîri vakethagîrwa vatumîtwe na nthingo cia vinya. Ndagaatura irio cia kûrîa, kana manjî ma kûnyua.

Jeremia 37:21

Kwoguo mûthamaki Zedekia nîwathanire Jeremia aigwe kûrîa arangîri mekaraga. Nake nîwavecagwa mûgate wa mûthenya kuuma kûrî andû arîa marugaga mîgate nginya mîgate îkîthira yonthe kûu îtûûrarî. Kwoguo Jeremia eekaraga kwa arangîri.

Jeremia 40:4

Rîu, nîngûkwovora mvîngû njara. Ethîrwa nîûkwona kwagîrîte tûthiî nawe Babuloni, ûka tûthiî, na nîngûkûmenyerera waro. Nwatî ethîrwa ndûrona kwagîrîrîte tûthiî nawe Babuloni, ndûgaûke. Ûrîmwîtîkîrie kûthiî vandû wa vonthe ûngîenda vûrûrirî ûyû.

Ndari 11:23

Nake Ngai-Mûnene nîwacokerie Musa atîrî, “Anga vinya wakwa wîthagîrwa ûrî na kîthimi? Eterera wone kana ûrîa mbugîte tîgûtuîkîka!”

Mathaayo 19:26

Nake Jesû nîwamaroririe na akîmeera atîrî, “Ûndû ta ûyû ndûngîvoteka nî andû, nwatî maûndû monthe nîmavotekaga nî Ngai.”

Luka 22:35

Jesû nîwacokire akîûria arutwa ake atîrî, “Vîndî îrîa namûtûmîte mûtarî na kîveeti, mbooro wana kana iratû, kûrî kîndû wana kîmwe mwaturire?” Nao nîmaamûcokerie atîrî, “Gûtirî kîndû twaturire.”

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Atir 14:14

Nake nîwamerire atîrî, “Kuuma kûrî mûrîcani nîkwaumire irio, kuuma kûrî ûcio ûrî vinya nîkwaumire mûrîo.” Anake acio matiavotete gûtaûra ndaî îo kwa îvinda rîa mîthenya îthatû.