1Atha 17:23 - ÎVUKU RÎA ÛVORO MWARO

²³ Elija nîwocire kaana kau na akînyûrûrûka nako kuuma ngorovarî na agîkanenganîra kûrî ng'ina na akîmwîra atîrî, “Taroria, mûvîcîguo arî mwoyo!”

1Atha 17:23 ပူးပေါင်းရင်းမြစ်များ

1Atha 17:22

Ngai-Mûnene nîwathikîrîrie îvoya rîa Elija, nako kaana kau nîkaambîrîrie kûveva na gagîcokwa nî vinya.

1Atha 17:24

Nake mûndûmûka wa ndigwa nîwerire Elija atîrî, “Rîu nînetîkia atî wî mûndû wa Ngai na atî maûndû marîa Ngai-Mûnene aragia na njîra yaku nîma ma!”

Luka 7:15

Nako kamwana kau nîkaaramûkire, gagîkara nthî na gakîambîrîria kwaria. Nake Jesû nîwacokire agîkanenganîra kûrî ng'ina.

Johana 4:51

Vîndî îrîa karani ûcio aarî rûgendorî enûkîte nîwatûngirwe nî ndungata ciake na ikîmwîra atîrî, “Mûvîcîguo nîwavona!”

Ciîko 9:41

Nake Petero nîwamûnengererie njara na akîmûtethia kûrûngama. Nîwacokire agîîta etîkia na aka a ndigwa na akîmûnenganîra kûrî o arî mwoyo.

Ahib 11:35

Nîûndû wa wîtîkio aka nîmaamûkîre andû ao arîa maakuîte magîcoka kûriûkua. Engî nao nîmaaûragirwe na njîra ya kûnyarirwa nîûndû nîmaaregire marekererue. Nwatî meekire ûguo nîguo makariûkua magîe na ûtûûro mwaro.