1Atha 17:22 - ÎVUKU RÎA ÛVORO MWARO

²² Ngai-Mûnene nîwathikîrîrie îvoya rîa Elija, nako kaana kau nîkaambîrîrie kûveva na gagîcokwa nî vinya.

1Atha 17:22 ပူးပေါင်းရင်းမြစ်များ

1Atha 17:23

Elija nîwocire kaana kau na akînyûrûrûka nako kuuma ngorovarî na agîkanenganîra kûrî ng'ina na akîmwîra atîrî, “Taroria, mûvîcîguo arî mwoyo!”

2Atha 13:21

Vîndî îmwe andû marî mathikorî nîmoonire gîkundi Kîam athigari gîûkîte kûmatharîkîra. Andû acio nîmaaikirie kimba Kîam mûndû ûcio mbîrîrarî îrîa Elisha aathikîtwe magîcoka makîûra. Vîndî wa îo kimba kîu Kîamvutia mavîndî ma Elisha, mûndû ûcio nîwariûkire na akîrûngama.

Luka 7:14

Jesû nîwacokire akîthiî na akîvutia îthandûkû rîa mûndû ûcio wakuîte na andû arîa maarîkuuîte makîrûngama. Nake Jesû akiuga atîrî, “Kamwana gaka nie nakwîra ûramûke.”

Luka 8:54

Nwatî Jesû nîwanyitire mwîrîtu ûcio njara na akîmwîra atîrî, “Mwarîwa, rûngama!”

Johana 11:43

Arîkia kuga ûguo, nîwetanire na mûgambo mûnene atîrî, “Lazaro, uma!”

Ciîko 20:12

Nao nîmeenûkirie mwanake ûcio arî mwoyo, na ûndû ûcio ûgîtûma maûmîrîrie mûno.

Aroma 14:9

Nîûndû Kristû aakwire na agîcoka akîriûka nîguo atuîke Mwathani wa arîa akuû na arîa marî mwoyo.

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

Ahib 11:35

Nîûndû wa wîtîkio aka nîmaamûkîre andû ao arîa maakuîte magîcoka kûriûkua. Engî nao nîmaaûragirwe na njîra ya kûnyarirwa nîûndû nîmaaregire marekererue. Nwatî meekire ûguo nîguo makariûkua magîe na ûtûûro mwaro.

Kûguû 11:11

Nwatî vuva wa mîthenya îo îthatû na nuthu Ngai nîwamavere mîvevû îrîa îtûmaga mûndû agîe na mwoyo. Nao nîmaarûngamire na andû onthe arîa mamoonire nîmaagîre na guoya nyîngî.

1Sam 2:6

Ngai-Mûnene nîke ûûragaga andû na nwake ûmavecaga mwoyo, nîke ûviraga andû kwa arîa akuû na akamaruta kuo.