1Atha 17:18 - ÎVUKU RÎA ÛVORO MWARO

¹⁸ Mûndûmûka ûcio wa ndigwa nîwerire Elija atîrî, “Mûndû wa Ngai, wambîkire ûguo nîkî? Nîkwa waûkire kûririkania Ngai mevia makwa nîguo mûvîcîwa akue?”

1Atha 17:18 ပူးပေါင်းရင်းမြစ်များ

Kîam 44:16

Juda nîwacokirie atîrî, “Tue tûngîkwîra atîa mwathi wetû? Tûngîkararia atîa? Tûngîîtigithia atîa? Ngai nîwonanîtie mevia metû tue ndungata ciaku. Kwoguo tue tuonthe tûrî ngombo ciaku vamwe na ûcio wanyitwa arî na gîkombe.”

Kîam 50:15

Rîrîa aa mûrwang'ina na Josefu moonire atî îthe nîwakua, nîmeyûririe atîrî, “Twa kwîthîrwa Josefu atûûraga atûmenete na rîu nîakwîrîvîrîria maûndû macûku marîa twamwîkire?”

Kîam 50:17

aatwîrire tûkwîre atî ‘Ûrekere aa mûrwanyûkwe mavîtia marîa maagwîkire.’ Rîu tue ndungata cia Ngai wa aguo twakûthaitha ûtûrekere mavîtia marîa twakûvîtîrie.” Josefu nîwarîrire egua ndûmîrîri îo.

2Sam 16:10

Nwatî mûthamaki nîwerire Abishai na mûrwang'ina Joabu atîrî, “Ûcio tî wîra wenyu. Ethîrwa aranuma nîûndû nî Ngai-Mûnene ûmwîrîte eke guo, nîûrîkû ûrî na kîvooto gîa kûmûria areka ûguo nîkî?”

2Sam 19:22

Nwatî Daudi nîwerire Abishai na mûrwang'ina Joabu atîrî, “Nî ûrîkû ûmûûririe woni wenyu? Mûrenda kûnthînia nîkî? Nînie mûthamaki wa Isiraeli, na gûtirî Mûisiraeli wanarî ûmwe ûkûûragwa ûmûnthî.”

1Atha 12:22

Nwatî Ngai nîwerire mûrathi Shamaia

1Atha 13:1

Ngai-Mûnene nîwathire mûndû wa Ngai kuuma Juda athiî Betheli. Nake rîrîa aakinyire nîwethîrîrie Jeroboamu arûngamîte vau metharî ya kîgongoona akîenda kûruta îgongoona.

1Atha 17:17

Vuvarî mûvîcî wa mûndûmûka ûcio wa ndigwa nîwarwarire. Mûrimû nîwanenevire mûno nginya mûthiiarî mûvîcî agîkua.

1Atha 17:19

Nake Elija nîwerire mûndûmûka ûcio wa ndigwa atîrî, “Rete mûvîcîguo.” Elija nîwacokire agîoca kavîcî kau kuuma njararî cia mûndûmûka ûcio na akîthiî nako ngorovarî, agîtonya nyombarî irîa eekaraga na agîkaigîrîra ûrîrîrî wake.

1Atha 18:9

Nwatî Obadia nîwerire Elija atîrî, “Nî wîvia ûrîkû mbîkîte, atî nîguo ûndûme kûrî mûthamaki Ahabu nîguo ambûrage?

1Atha 20:28

Mûndû wa Ngai ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene arauga atî: ‘nîûndû Asîria maugîte atî nie nî ngai ya irîma na tî wa ciandarî, nîngûkûvotithia kûvoota andû acio eengî ûguo na nîmûkaamenya atî nînie Ngai-Mûnene.’ ”

2Atha 1:9

Mûthamaki nîwacokire agîtûma mûnene wa athigari mîrongo îtano na athigari acio mathiî makagîre Elija. Mûnene ûcio nîwethîre Elija ekarîte nthî gacûmbîrî ga kîrîma na akîmwîra atîrî, “Mûndû wa Ngai, mûthamaki akwîra ûnyûrûrûke.”

2Atha 3:13

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”

2Maû 35:21

Nwatî Neko nîwatûmire anjaama ake kûrî Josia makamûrie atîrî, “Mûthamaki wa Juda, nie nawe tûrarutana kû? Tîwe nîratharîkîra, nwatî nî nthû ciakwa nîratharîkîra, na Ngai ambathîte mbîke ûguo na îvenya. Tiga kûregana na Ngai nîûndû arî mwena wakwa na ethîrwa tî ûtigana nanie nî agûkûûraga.”

Ayubu 13:23

Mavîtia na mevia makwa megana atîa? Menyithia mavîtia na mevia makwa.

Ayubu 13:26

We ûranthitanga na maûndû macûku, ûkanguithia mevia marîa nekire nîrî mwîthî.

Ndari 5:15

mûrûme nîakaamûvira kûrî mûthînjîri-Ngai akuuîte kilo îmwe ya mûtu wa cairi. Ndagîrîrwe nî gwîkîra maguta kana ûbani mûturî ûcio nîûndû nî îtega rîrutîtwe nî mûndûmûrûme agîîkûûa mûka nîguo ûma ûmenyekane.

Mathaayo 8:29

Na wa rîmwe andû acio nîmaaugîrîrie atîrî, “Ûrenda atîa natue we Mûriû wa Ngai? We waûka gûtûverithia îvinda rîrîa rîagîrîru rîtarî rîkinyu?”

Maariko 5:7

Nake nîwacokire akiugîrîria akiugaga atîrî, “Jesû Mûriû wa Ngai ûrîa ûrî Îgûrû Mûno! Nîndûî ûrenda kuumana nanie? Nie nakûthaitha na rîîtwa rîa Ngai, ndûkamverithie!”

Maariko 6:16

Na rîrîa Herode eegwire ûvoro ûcio nîwaugire atîrî, “Nî Johana Mûvatithania ûrîa naarengithirie kîongo gîake ûriûkîte.”

Luka 4:34

“Ûrenda atîa natue we Jesû wa Nazarethi? Ûkîte gûtûthiria? Nie nîngwîcî we ûrî û. We ûrî ûrîa mûtheru wa Ngai!”

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

Luka 8:28

Na rîrîa mûndû ûcio oonire Jesû, nîwakaire, akîîgwîthia nthî mbere yake na akîanîrîra atîrî, “Jesû Mûriû wa Ngai ûrîa ûrî Îgûrû Mûno, ûrenda atîa nanie? Nie nakûthaitha ndûkamverithie!”

Johana 2:4

Nake Jesû nîwerire ng'ina atîrî, “Twa nginya ûmbîre ûrîa mbagîrîrwe nî gwîka. Îvinda rîakwa tî rîkinyu.”

Atir 13:6

Nake mûndûmûka ûcio nîwathiîre na akîra mûthuuriwe atîrî, “Mûndû wa Ngai nîwaûka kûrî nie. Nîonekaga arî wa kûgegania ta mûraika wa Ngai. Nie ndinamûûria kûrîa araumîte na ndanambîra rîîtwa rîake.

1Sam 16:4

Nake Samueli nîwekire ûrîa Ngai-Mûnene aamwathire na akîthiî Bethilehemu. Atongoria a îtûûra rîu nîmaaûkire kûmûtûnga makinainaga na makîmûria atîrî, “Waûka wî na thayû?”