1Atha 17:13 - ÎVUKU RÎA ÛVORO MWARO

¹³ Nake Elija nîwamwîrire atîrî, “Ndûkamake, thiî na wîke wa ûguo wauga. Nwatî amba ûndugîre kamûgate kanini na ûndetere, ûcoke ûruge kau kengî mûrîe na mûvîcîguo.

1Atha 17:13 ပူးပေါင်းရင်းမြစ်များ

Kîam 26:24

Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.”

1Atha 17:12

Nake nîwacokirie atîrî, “Nie nevîta na Ngai-Mûnene, Ngai waku ûrîa ûtûûraga mwoyo, atî ndirî na mûgate. Nwa kamûtu kanini tu nîrî nako karî mbakûrirî na tûguta tûnini tûrî mûcuvarî, na rîu nîkwa nîrocania ngû nîguo nthiî ngaruge kamûtu kau tûrîe tûrî na mûvîcîwa tûcoke tûkue nîûndû tûtirî na irio ciîngî.”

1Atha 17:14

Nîûndû Ngai-Mûnene, Ngai wa Isiraeli augîte atî, ‘Mûtu ndûkaathira mbakûrirî kana maguta mathira mûcuvarî nginya mûthenya ûrîa ngaaurithia mbura.’ ”

2Atha 6:16

Nake Elisha nîwamûcokerie atîrî, “Mûtikamake; nîûndû tûrî engî kûrî o.”

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

Ntha 14:13

Nake Musa nîwamacokerie atîrî, “Mûtigetigîre, mwîyûmîrîrie na nîmûkwona ûrîa Ngai-Mûnene agwîka nîguo amûvonokie ûmûnthî. Mue mûtigaacoka kwona andû aya a Misiri rîngî.

Nthi 3:9

Tîîaga Ngai-Mûnene na indo ciaku, na ûmûrutagîre maketha ma mbere ma indo cionthe cia mîgûnda yaku.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:13

Nîûndû nie Ngai-Mûnene Ngai waku, nîngûnyitaga njara yaku ya ûrîo, na ngakwîra atî: ‘Tiga gwîtigîra, nîngûgûtethia.’ ”

Malaki 3:10

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Mathaayo 10:37

“Mûndû ûrîa wendete îthe kana ng'ina kûngîra tîmwagîrîru wa gûtuîka mûrutwa wakwa; na mûndû ûrîa wendete mûvîcî kana mwarî kûngîra tî mwagîrîru wa gûtuîka mûrutwa wakwa.

Mathaayo 28:5

Nake mûraika nîwerire aka acio atîrî, “Tigani gwîtigîra, nîûndû nîmbîcî mûracaria Jesû ûrîa wambirwe mûtharavarî.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Ciîko 27:24

na ambîra atîrî, ‘Tiga kwîgua guoya, Paûlo! We nwanginya ûrûngame mbere ya mûthamaki wa Roma. Ngai nîûndû wa wega wake akaavonokia mîoyo ya andû onthe arîa mûthiîcanîtie nao mûrî merirî.’

Ahib 11:17

Nîûndû wa wîtîkio Iburahimu nîwavecanire mûvîcî Isaka atuîke îgongoona vîndî îrîa Ngai aamûgeririe. Iburahimu nîke wavetwe kîîranîro nî Ngai, nwatî ke nîwevarîrîtie kûvecana mwana wake wa mûmwe atuîke îgongoona.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.