1Atha 16:13 - ÎVUKU RÎA ÛVORO MWARO

¹³ Baasha na mûvîcî Ela nîmeevirie mbere ya Ngai-Mûnene, Ngai wa Isiraeli na magîtûma andû a Isiraeli mevie nîûndû wa kûgooca mîvuanano. Nîmaarakaririe Ngai-Mûnene Ngai wa Isiraeli.

1Atha 16:13 ပူးပေါင်းရင်းမြစ်များ

1Atha 14:16

Ngai-Mûnene nîagaatiganîria Isiraeli nîûndû Jeroboamu nîwîvîtie na nîatûmîte andû a Isiraeli mevie.”

1Atha 15:16

Asa mûthamaki wa Juda na Baasha, mûthamaki wa Isiraeli maatûûraga marûaga îvindarî rîao rîonthe rîrîa maarî athamaki.

1Atha 15:30

Ûndû ûcio wekîkire nîûndû Jeroboamu nîwevîtie, na agîtûma andû a Isiraeli mevie, na ûndû ûcio nîwatûmire Ngai-Mûnene, Ngai wa Isiraeli arakare.

1Atha 16:26

Nîwarakaririe Ngai-Mûnene, Ngai wa Isiraeli nîûndû wa kûrûmîrîra mîtugo mîcûku ya Jeroboamu mûvîcî wa Nebati, nîûndû wa mevia make ke mwene, na gûtûma andû a Isiraeli mevie na magooce mîvuanano.

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

Isaia 41:29

Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Jeremia 10:15

Ngai icio nî cia mana na nî cia kînyarari; vîndî îrîa ikaverithua nî ikathirua.

Jeremia 10:8

Onthe nî irimû na nîaritu; kîrîra Kîam mîvuanano nî Kîam mana!

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.

1Sam 12:21

Tigani gûtungatîra Ngai cia maveeni. Ngai icio itîngîmûguna kana imûvonokie, nîûndû tî cia ma.