25 Mwakarî wa kaîrî Asa arî mûthamaki wa Juda, Nadabu, mûvîcî wa mûthamaki Jeroboamu nîwatuîkire mûthamaki wa Isiraeli, na nîwathanire Isiraeli îvinda rîa mîaka îîrî (2).
Ûndû ûyû nîwatuîkire wîvia kûrî nyomba ya Jeroboamu na nîwatûmire nyomba îo îcûkangue na îthirue viû.
Ahija nîwathiîre mbere na akîra mûka wa Jeroboamu atîrî, “Rîu ûkîra ûcoke mûciî. Vîndî îrîa ûgaatonya îtûûrarî nîrîo mûvîcîguo agaakua.
Jeroboamu aathanire îvinda rîa mîaka mîrongo îîrî na îîrî (22). Nîwacokire agîkua na akîthikwa, nake mûvîcî Nadabu nîwatuîkire mûthamaki vuva wake.
Nîwekire maûndû macûku mbere ya Ngai-Mûnene, na akîrûmîrîra mîtugo mîcûku ya îthe, na mevia make magîtûma Aisiraeli mevie.
Andû a Isiraeli nîmaagaûkanire ikundi igîrî. Gîkundi kîmwe kîendaga Tibuni mûvîcî wa Ginathu atuîke mûthamaki. Nakîo gîkundi kîu kîngî kîendaga Omuri atuîke mûthamaki.