1Atha 15:23 - ÎVUKU RÎA ÛVORO MWARO

²³ Maûndû marîa mengî monthe marîa Asa eekire, maûndû ma vinya marîa eekire na matûûra marîa aatumire, nîmandîke îvukuurî rîa maûndû ma tene ma Athamaki a Juda. Nwatî ûkûrûrî wake, nîwarwarire magûrû.

1Atha 15:23 ပူးပေါင်းရင်းမြစ်များ

1Atha 14:19

Maûndû marîa mengî monthe marîa Jeroboamu eekire, mbaara irîa aarûire na ûrîa aathanire, nîmandîke Îvukuurî rîa Maûndû ma Tene ma Athamaki a Isiraeli.

2Maû 14:14

Nîmaacokire magîcûkangia matûûra monthe marîa maathiûrûrûkîrîtie Gerari nîûndû andû a kuo nîmaagîte na guoya nîûndû wa Ngai-Mûnene. Nîmaatavire indo nyîngî mûno kuuma matûûrarî mau na makîthiî nacio.

2Maû 14:7

Mûthamaki Asa nîwerire andû a Juda atîrî, “Nîtûtume matûûra na tûmairigîre na nthingo, nyomba ndaca na îgûrû, na ivingo irî na mîkîgo ya kûvinga. Vûrûri ûyû nî wetû, nîûndû nîtwîkîte ûrîa Ngai-Mûnene, Ngai wetû endaga. Nîtwamwathîkîre na nîatûgitîrîte na mîena yonthe.” Kwoguo nîmaatumire matûûra na makîgîa na ûthiî wa na mbere.

Thaburi 90:10

Ûtûûro wetû nîwa mîaka mîrongo mûgwanja, kana ethîrwa tûrî na vinya tûgîkinyia mîaka mîrongo înana; nwatî wîcûrîtwe nî mathîna na mînyamaaro; mîaka îo îthiraga na îvenya natue tûgacoka tûkathira.