1Atha 14:6 - ÎVUKU RÎA ÛVORO MWARO

⁶ Nwatî rîrîa Ahija aamwîguîrîre mûrangorî aûkîte, nîwamwîrire atîrî, “Tonya, mûka wa Jeroboamu. Ûretua mûndû wîngî nîkî? Nîrî na ndûmîrîri yaku îtarî mbaro.

1Atha 14:6 ပူးပေါင်းရင်းမြစ်များ

1Atha 14:2

Nake Jeroboamu nîwerire mûka atîrî, “Ûkîra wîgarûre nîguo ndûkamenyeke atî wî mûka wa Jeroboamu, na ûthiî Shilo, nîûndû kûu nîkuo mûrathi Ahija arî. Mûrathi Ahija nîke waugire atî nînie ngaatuîka mûthamaki wa Isiraeli.

1Atha 14:5

Ngai-Mûnene nîwerîte Ahija atî mûka wa Jeroboamu nîathiîte kûmûria ûvoro wîgiî mûvîcî ûrîa warî mûrwaru. Na Ngai-Mûnene nîwerire Ahija ûrîa akaamwîra. Vîndî îrîa mûka wa Jeroboamu aakinyire, nîwegarûrire agîîtua ta mûndû wîngî.

1Atha 14:7

Thiî wîre Jeroboamu, Ngai-Mûnene, Ngai wa Isiraeli amwîrîte atîrî, ‘Naakûthuurire kuuma kûrî andû na ngîgûtua mûtongoria wa andû akwa, Aisiraeli.

1Atha 20:42

Mûrathi nîwacokire akîra mûthamaki atîrî, “Ngai-Mûnene arauga atî, ‘Nîûndû nîûrekereretie mûndû aûre, ûrîa naathanîte aûragwe, we nîwe ûkûûragwa vandûrî vake, nacio ndungata ciaku ciûragwe nîûndû wa kûrekereria ndungata cia mûndû ûcio ciûre.’ ”

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

Ayubu 5:13

Nîanyitaga andû arîa aûgî na wara wao, na nîarûngamagia mîvango ya arîa etîi wa rîmwe.

Thaburi 33:10

Ngai-Mûnene nîagiragia mîvango ya mavûrûri îvinga, nîagiragia andû mavingia mîvango yao.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Maariko 14:21

Mûrû wa Mûndû nîagûkua wata ûrîa mandîko maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Wana nî kava mûndû ûcio atangîaciarirwe!”

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

1Sam 15:16

Nake Samueli nîwerire Saûlo atîrî, “Takira ngwîre ûrîa Ngai-Mûnene arambîrire vwaî.” Nake Saûlo akîra Samueli atîrî, “Tambîra.”

1Sam 15:26

Nake Samueli nîwerire Saûlo atîrî, “Nie ndigûcokania nawe, nîûndû nîûregete ûrîa Ngai-Mûnene akwathîte, nake nîakûregete ûrî ta mûthamaki wa Isiraeli.”

1Sam 28:18

Nîwaregire gwîka ûrîa Ngai-Mûnene aakwathîte na ûkîrega gûcûkangia Amaleki na kîrîa kîonthe maarî nakîo viû. Kîu nîkîo kîratûma Ngai-Mûnene agwîke ûndû ûyû rîu.