1Atha 13:26 - ÎVUKU RÎA ÛVORO MWARO

²⁶ Rîrîa mûrathi ûcio mûkûrû eegwire ûguo nîwaugire atîrî, “Ûcio nî mûndû wa Ngai ûrîa waregire kwathîkîra ûrîa Ngai-Mûnene aamwathîte! Kwoguo Ngai-Mûnene nîwatûmire mûnyambû ûthiî ûmûtharîkîre na ûmûrage, wata ûrîa Ngai-Mûnene aamwîrîte.”

1Atha 13:26 ပူးပေါင်းရင်းမြစ်များ

2Sam 12:10

Nîûndû wa ûguo, andû amwe kuuma njiarwarî ciaku cionthe magaakua gîkuû Kîam ruuo nîûndû nîûregete kûmbathîkîra na nîwocete mûndûmûka wa Uria.

2Sam 12:14

Nwatî na njîra ya gîîko kîu wîkîte, nîûnyararîte Ngai-Mûnene. Kwoguo kaana kau nwanginya gagaakua.”

1Atha 13:25

Andû amwe nîmaavîtîkîrîre vo na makîona kimba kîu kîmamîte njîrarî naguo mûnyambû ûrûngamîte vakuvî nakîo. Nîmaathiîre îtûûrarî rîa Betheli kûrîa mûrathi ûcio mûkûrû aatûûraga na makiuga ûrîa moonete.

1Atha 13:27

Nîwacokire akîra anake ake mamûtandîkîre mvunda. Nake nîwekire guo.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Nthi 11:31

Ethîrwa andû arîa athingu marîvagwa marî gûkû nthî, nama, andû arîa aganu na evia nîmakaaverithua.

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

1Akor 11:30

Na kîu nîkîo gîtûmaga engî gatagatîrî kenyu methîrwe matarî na vinya na marî arwaru na amwe nî akuû.

1Pet 4:17

Îvinda nîrîkinyu rîa kwambîrîria îtuîro na andû a Ngai nîo makwambîrîria gûtuîrwa. Ethîrwa nîtue tûkwambîrîria gûtuîrwa rî, gûkaarîkîrîria atîa na arîa matetîkîtie Ûvoro Mwaro ûrîa umîte kûrî Ngai?