1Atha 13:2 - ÎVUKU RÎA ÛVORO MWARO

² Mûndû ûcio nîwarumire metha ya kîgongoona, wata ûrîa Ngai-Mûnene aamwathîte akiugaga atîrî, “We metha ya kîgongoona, metha ya kîgongoona, Ngai-Mûnene augîte atî: Taroria kavîcî nîgagaaciarwa nyombarî ya Daudi; Nako gageetwa Josia. Nako nîgagaagûtegera athînjîri-Ngai arîa marutagîra magongoona kûndû kûrîa gûtûgîru, arîa marutagîra ngai cia mîvuanano magongoona îgûrû rîaku, na nîakaavîvîria mavîndî ma andû îgûrû rîaku.”

1Atha 13:2 ပူးပေါင်းရင်းမြစ်များ

1Atha 13:32

Mûgeeka guo nîûndû, ciugo irîa mûndû ûyû aathirwe nî Ngai-Mûnene auge cia kûruma metha ya kîgongoona îrîa îrî Betheli, vamwe na kûndû kuonthe gwa kûgoocerwa kûu matûûrarî marîa manene ma Samaria nwanginya ikaavinga.”

2Maû 34:1

Josia aatuîkire mûthamaki wa Juda arî na ûkûrû wa mîaka înana (8) na aathanire îvinda rîa mîaka mîrongo îthatû na ûmwe (31) arî Jerusalemu.

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Isaia 42:9

Taroria maûndû marîa naarathire rîu nîmavingu. Rîu nîngûratha maûndû macerû, nîngwîra mo mbere ya mekîke.”

Isaia 46:10

Nînie managîrîra maûndû ma mûthiia kuuma Kîammbîrîria; na ngaumbûra maûndû marîa matanekwa kuuma tene, ngiugaga atî mworoto wakwa nîûkaavinga, na nîngaavingia mîvango yakwa yonthe.

Isaia 58:1

Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Jeremia 1:2

Ngai-Mûnene nîwaririe na Jeremia mwaka wa îkûmi na kathatû vîndî ya wathani wa Josia mûvîcî wa Amoni mûthamaki wa Juda.

Jeremia 22:29

We vûrûri, we vûrûri, we vûrûri! Tathikîrîria ûrîa Ngai-Mûnene arauga.

Ezek 36:1

Ngai-Mûnene nîwambîrire atîrî, “We mûndû, rathîra irîma cia Isiraeli na ûciîre ithikîrîrie ndûmîrîri Ngai-Mûnene.

Ezek 36:4

Kwoguo, Mue irîma cia Isiraeli, thikîrîriani ûrîa Ngai-Mûnene akûmwîra mue irîma namue tûrîma, mue nyûnjî na cianda; wana kûndû kûrîa gûtigîtwe kûrî werû na matûûra marîa mathame, nîmûtavîtwe na mûgatuîka kîndû gîa kûthekererwa nî mavûrûri marîa mengî mamûthiûrûrûkîrîtie.

Ezek 38:4

Nîngaamûnyita nîmûthiûrûrukie, na nîmwîkîre ndûano nthîarî ciake. Nîngaamûrutûrûra na nja, ke vamwe na athigari ake onthe a mbaara, mbarathi na athigari arîa mathiîcaga matûîte mbarathi, gîkundi kînene Kîam andû mekîrîte nguo cia mbaara; onthe marî na ngo na mviû cia mbaara.

Luka 19:40

Nake Jesû nîwamacokerie atîrî, “Nîramwîra atî arutwa aya mangîkira, namo mathiga nîkwa makwambîrîria kwina.”

Gûco 32:1

“Tathikîrîriani ngîaria, mue îgûrû, thikîrîriani ûrîa nguuga mue nthî.