1Atha 13:18 - ÎVUKU RÎA ÛVORO MWARO

¹⁸ Mûrathi ûcio mûkûrû waumîte Betheli nîwamwîrire atîrî, “Nie nîrî mûrathi wa tawe, na Ngai-Mûnene ambathîte na njîra ya mûraika, ambîra ngwoce tûcoke nawe mûciî gwakwa nîguo ûrîe na ûnyue.” Nwatî mûrathi ûcio mûkûrû nîkwa aavenanagia.

1Atha 13:18 ပူးပေါင်းရင်းမြစ်များ

Kîam 27:24

nîwamûririe wa rîngî atîrî, “Nîma atî we nîwe mûvîcîwa Esaû?” Nake Jakovu nîwamûcokerie atîrî, “Îî nî nie.”

Kîam 3:13

Ngai-Mûnene, Ngai nîwaûririe mûndûmûka ûcio atîrî, “Wîkire ûguo nîkî?” Nake Mûndûmûka nîwamûcokerie atîrî, “Nî njoka îmvenererie narîrîa.”

1Atha 13:19

Kwoguo mûndû ûcio wa Ngai nîmaacokire mûciî marî na mûrathi ûcio mûkûrû na makîrîa na makînyunyanîra nake.

1Atha 20:35

Ngai-Mûnene nîwathire mûndû ûmwe kuuma gîkundirî Kîam arathi amûrithie mûrathi ûmwe amûringe. Nwatî nîwaregire.

1Atha 22:22

Nake Ngai-Mûnene nîwamûririe atîrî, ‘ûkaamûveenereria atîa?’ Naguo roho nîwacokirie atîrî, ‘Nînthiî na ndûme arathi a Ahabu onthe maveenanie.’ Ngai-Mûnene nîwamwîrire atîrî, ‘Thiî na ûmûveenererie. Nîûkûvootana!’ ”

Nthi 12:19

Ûma ûtûûraga tene na tene, nwatî maveeni mekaraga kavinda kanini.

Nthi 12:22

Ngai-Mûnene nîathûrîte andû arîa mavenanagia, nwatî nîakenagua nî arîa evokeku.

Nthi 19:5

Mûndû ûrîa ûrutaga ûira wa maveeni nîakaaverithua, na mûndû ûrîa waragia maveeni ndakaarekererua.

Isaia 36:10

Makîria ya ûguo, ûreciria ntharîkîrîte vûrûri waku na ngaûcûkangia ndavetwe rûtha nî Ngai-Mûnene? Ngai-Mûnene nîke wambîrire nthiî ngaûtharîkîre na nîûcûkangie.”

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 23:32

Tanthikîrîria! Nie Ngai-Mûnene nîrauga atî, nîndeganîte na arathi arîa marotaga iroto cia maveeni. Na njîra ya iroto ciao na mîario ya maveeni, nîmatûmîte andû akwa mauma njîrarî ya ma. Nie ndianamatûma, kana nîmera mathiî, kwoguo matirî na ûtethio kûrî andû akwa.”

Jeremia 29:31

“Tûmîra andû onthe arîa marî îthamîriorî ndûmîrîri îno îgiî Shemaia wa Nehelamu: Nie Ngai-Mûnene nîrauga atî, Shemaia nîamûrathîrîte maûndû marîa nie ndamûtûmîte, na agîtûma mwîtîkia maûndû matarî ma ma.

Jeremia 29:32

Kwoguo nie Ngai-Mûnene nîrauga atî nîngûverithia Shemaia mûvîcî wa Nehelamu vamwe na rûciaro rwake. Gûtirî mûndû wanarî ûmwe wa arîa metanîtue nake ûgatigara arî mwoyo nîguo one maûndû maro marîa ngeka andû akwa, nîûndû ethîrîtwe akîra andû maregane nanie Ngai-Mûnene. Ûguo nîguo nie Ngai-Mûnene nauga.”

Jeremia 5:12

Andû a Isiraeli na Juda nîmaregete Ngai-Mûnene, na makauga atî: “Gûtirî ûndû angîka; tûtingîgwatwa nî ûndû mûcûku, na tûtikethîrwa na yûra kana mbaara.

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Ezek 13:8

Kwoguo Ngai-Mûnene amerîte atîrî, “Nîûndû cioneki cienyu tî cia ma na nîmwarîtie maûndû ma maveeni, nie nîndeganîte namue.

Ndari 22:35

Nwatî mûraika nîwacokerie Balaamu atîrî, “Thiî na andû aya, nwatî ûkaaragia tu maûndû marîa ngaakwîraga.” Kwoguo Balaamu nîwathiîre vamwe na andû acio.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

Agal 1:8

Nwatî ethîrwa tue kana mûraika kuuma îgûrû nwa amûvunjîrie ûvoro wîngî ngûrani na ûrîa twamûvunjîrie, mûndû ûcio aronyitwa nî kîrumi.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

1Tim 4:2

Andû mvinga na arîa mathanaga mathomithanagia maûndû ta mama. Thamiri cia andû ta aya nîciakwire na ciîkaraga takwa irî mvîvie na cuuma mviû.

2Pet 2:1

Tene arathi a maveeni nîmeyumagîria gatagatîrî ka andû. Na njîra wata îo nwa yo arimû a maveeni makeyumîria gatagatîrî kenyu marete irîra cia gûcûkangia na itarî cia ma, na marege Mwathani ûrîa wamakûûrire. Kwoguo nîmakeretera narua maûndû ma kûmathiria o ene.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Atir 13:3

Mûraika wa Ngai-Mûnene nîwaumîrîre mûndûmûka ûcio na akîmwîra atîrî, “Taroria, we ûtûîre ûrî nthata, nwatî îvinda rîtarî îraca nîûkûgîa îvu na nîûgaaciara kavîcî.