1Atha 12:31 - ÎVUKU RÎA ÛVORO MWARO

³¹ Jeroboamu nîwacokire agîtuma kûndû gwa kûgoocagîrwa kûndû kûrîa gûtûgîru, na akîthuura athînjîri-Ngai kuuma kûrî andû arîa onthe mataarî a mûvîrîga wa Lawi.

1Atha 12:31 ပူးပေါင်းရင်းမြစ်များ

1Atha 13:24

nîwamîtwîre na akîthiî. Arî njîrarî, nîwatûnganire na mûnyambû na ûkîmûraga. Kimba gîake nîkîamamire njîrarî, nayo mvunda na mûnyambû ikîrûngama mîenarî yakîo.

1Atha 14:23

Nîmeerûthîrîte kûndû kûrîa kwagoocagîrwa ngai cia mîvunano, itugî na mîvuanano ya Ashera mîenarî yonthe ya irîma irîa ndaca na rungu rwa mîtî yonthe îrîa yarî na iruru.

2Atha 17:28

Kwoguo ûmwe wa athînjîri-Ngai arîa maathiîte nao kuuma Samaria nîwathiîre na agîtûûra Betheli. Kûu nîkuo aathomithîrie andû ûrîa magîrîrwe nî kûgooca Ngai-Mûnene.

2Atha 17:29

Nwatî andû a mavûrûri monthe nwa maarûthire mîvuanano yao ene, wa andû marî îtûûrarî rîao, na makîmiga kûndû kûrîa gûtûgîru gwa kûgoocerwa kwarûthîtwe nî andû a Samaria.

2Atha 17:32

Andû acio nwamaagoocaga Ngai-Mûnene na nîmaathuurire kuuma gatagatîrî kao andû a mîthemba yonthe marî athînjîri-Ngai a kûthiîcaga kûndû kûrîa gûtûgîru gwa kûgoocerwa na kûrutagîra magongoona kuo vandûrî vao.

2Maû 13:9

Kinthî mûtiengatire athînjîri-Ngai a Ngai-Mûnene, njiarwa cia Aroni na Alawi na mûkîîthuurîra athînjîri-ngai enyu ta andû a mavûrûri marîa mengî? Mûndû wa wonthe ûngîûka kwîyamûra arî na ndegwa îtarî ngûrû kana ndûrûme mûgwanja nîatuîkaga mûthînjîri-Ngai wa indo icio mwîtaga ngai cienyu.

Ezek 16:25

Makathîkanorî ma njîra cionthe nîwetumire kûndû gûtûgîru na ûkîvûthîra ûthaka waku na njîra ya ûmaraa kûrî mûndû wa wonthe ûrîa wavîtûkaga, na njîra îo ûmaraa waku ûkîongerereka mûno.

Hosea 12:11

Nwatî Gileadi gwîcûrîte evia arîa magocaga ngai cia maveeni, na kûu Gileadi marutaga magongoona ma ndegwa, kwoguo metha ciao cia magongoona cigîtwe mûvari ta irûndo cia mathiga, mîtarorî ya mîgûnda mîrîme.

Amosi 7:10

Amazia mûthînjîri-Ngai wa îtûûra rîa Betheli nîwavirîre mûthamaki Jeroboamu wa Isiraeli ndûmîrîri îno: “Amosi nîavangîte ûndû mûcûku gatagatî gaku na andû a Isiraeli. Maûndû marîa ethîrîtwe akîaria nwa macûkangie vûrûri ûyû.

Ndari 3:10

Nî ûkathuura Aroni na avîcî ake matuîke athînjîri-Ngai, nwatî mûndû wîngî wa wonthe ûkaageria kûruta wîra ûcio, nîakaaûragwa.”

Gûco 24:15

Marîvageni wa mûthenya wîra ûrîa matinda makîruta mbere ya gûtuka, nîûndû methagîrwa mevokete mbeca icio. Ûngîrega kûmarîva, nwa marîrîre Ngai-Mûnene, naguo ûndû ûcio ûgatuîka wîvia kûrî mue.