1Atha 12:28 - ÎVUKU RÎA ÛVORO MWARO

²⁸ Kwoguo mûthamaki nîwaûririe ûtaaro na akîrûtha mîvuanano îîrî ya tûcaû twa thaavu na akîra andû ake atîrî, “Nîmûthiîte Jerusalemu kûgoocera kuo îvinda îraca. Mue andû a Isiraeli, ino nîcio ngai cienyu irîa ciamûrutire Misiri!”

1Atha 12:28 ပူးပေါင်းရင်းမြစ်များ

1Atha 14:9

Nwatî we nîwîkîte mevia manene, gûkîra athamaki onthe arîa maarî mbere yaku. Nîûndiganîrîtie na ûkandakaria na njîra ya kwîrûthîra ngai ciîngî cia mîvuanano.

1Atha 15:26

Nîwekire maûndû macûku mbere ya Ngai-Mûnene, na akîrûmîrîra mîtugo mîcûku ya îthe, na mevia make magîtûma Aisiraeli mevie.

1Atha 16:19

Ûndû ûcio wekîkire nîûndû wa mevia marîa eekîte arî mbere ya Ngai-Mûnene. Nîwarûmîrîre mîtugo ya Jeroboamu na agîtûma andû a Isiraeli mevie.

2Atha 10:29

Nwatî Jehu nîwekire wîvia wata ûrîa wekirwe nî Jeroboamu, mûvîcî wa Nefati, ûrîa watûmire andû a Isiraeli mevie na njîra ya gûtûma magooce mîvuanano ya tûcaû twa thaavu îrîa yarî Betheli na Dani.

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 17:8

Nîmaarûmîrîre mîtugo ya andû arîa Ngai-Mûnene eengataga wa andû a Isiraeli makîonaga, na makîambîrîria gwîka maûndû marîa athamaki a Isiraeli maambîrîîrie vûrûrirî.

2Maû 11:14

Alawi nîmaatiganîrie kûndû kwao gwa kûrîthua na kûrîa maatûûraga na makîthiî Juda na Jerusalemu, nîûndû Jeroboamu na avîcî ake nîmaamagirîtie matungata marî athînjîri-Ngai a Ngai-Mûnene.

2Maû 11:15

Jeroboamu nîwathuurire athînjîri-Ngai ake a gûtungata kûndû kûrîa gûtûgîru kwagoocagîrwa ngai ciake cia mîvuanano ya mbûri na njaû irîa aarûthîte.

2Maû 13:8

Rîu mûvangîte kûregana na ûthamaki ûrîa Ngai-Mûnene avete Daudi na njiarwa ciake nîûndû mûrî gîkundi kînene Kîam athigari na mûrî na mîvuanano ya njaû cia thaavu îrîa Jeroboamu aarûthire îtuîke ngai cienyu.

2Maû 15:3

Aisiraeli maatûûrîte kavinda karaca matarî na Ngai ûrîa wa ma, na matarî na mûthînjîri-Ngai wa kûmathomithia na matarî na watho.

2Maû 17:4

Nwatî nîwagoocaga Ngai wa îthe na akarûmîrîra maathani make, na ndeeka ta ûrîa athamaki a Isiraeli meekaga.

2Maû 21:6

Nîwavikirie mwarî wa Ahabu, mûthamaki wa Isiraeli. Kwoguo nîwarûmîrîre mîthiîre ya athamaki a Isiraeli na nîwekire maûndû macûku mbere ya Ngai-Mûnene.

2Maû 33:7

Nîwocire mîvuanano îrîa aaumîtie na akîmiga hekarûrî, kûrîa Ngai eerîte Daudi na mûvîcî Solomoni atîrî, “Gûkû Jerusalemu, hekarûrî îno nîkuo nthuurîte gatagatî ka mîvîrîga yonthe ya Isiraeli nîguo ndûûre ngoocagîrwa kuo tene na tene.

Ntha 1:10

Mbaara îngiumîra, andû aya nwa manyitanîre na nthû cietû magatûvoota, na nwamaûre makauma gûkû vûrûrirî. Nîtûcarie njîra îrîa îngîgiria mongerereke makîria.”

Ntha 20:4

“Ndûkanethondekere mûvuanano, kana mûvuanîre wa kîndû wa kîonthe kîrî îgûrû maturî, kana wa kîndû kîrî gûkû nthî, kana wa kîndû kîrî manjîrî marîa marî rungu rwa nthî.

Ntha 32:25

Musa nîwonire atî Aroni nîwatûmire andû matuîka aremi na magîtuîka irimû mbere nthû ciao.

Ntha 32:4

Aroni nîwocire mindo icio kuuma kûrî o, akîirarûra na mwaki na akîrûtha mûvuanano wa ndegwa ya thaavu nacio. Nao nîmaaugire atîrî, “Andû a Isiraeli îno nîyo ngai yenyu îrîa yamûrutire vûrûri wa Misiri!”

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Nthi 14:12

Kûrî njîra mûndû onaga takwa îrî mbagîrîru, nwatî mûthiiarî îviraga mûndû gîkuûrî.

Isaia 30:1

Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.

Isaia 30:10

Meraga oni maûndû atîrî, ‘Tigani kwona maûndû.’ Na makeera arathi atîrî, ‘Mûtigatûrathîre maûndû marîa magîrîru, twaragîrieni maûndû marîa maro, na mûrathage maûndû ma maveeni.

Ezek 16:26

Nîwavûrire ûmaraa na andû a Misiri arîa mûriganîtie nao na makwîriragîria, ûmaraa waku nîwongererekire na ûgîtûma ndakare.

Ezek 23:8

Ndaatiganîria ûmaraa ûrîa aambîrîrie arî Misiri rîrîa aarî mwîrîtu mwîthî. Arûme arîa maamamaga nake nîo maamûcûkîrie wîrîtu wake na makîmûtua mûmaraa.

Danieli 3:1

Mûthamaki Nebukadinezarû nîwarûthithirie mûvuanano wa thaavu wa mita mîrongo îîrî na mûgwanja na îgûrû na wariî wa mita ithatû. Nîwaugire wigwe Dura, kûndû kûrîa kwaraganu vûrûrirî wa Babuloni.

Hosea 10:10

Nîngaûka kûrî andû aya aganu na nîmaverithie. Mavûrûri nîmakaûngana mamatharîkîre, makaverithua nîûndû wa mevia mao meengî.

Hosea 10:8

Kûndû gwa kûvoera tûrîmarî twa Aveni, mevia ma Isiraeli, nîgûgaacûkangua. Mîgua na nthaugû nîkîikamera metharî ciao cia magongoona. Nao nîmakeera irîma, “Tûkunîkîre” na meere tûrîma atîrî, “Tûgwîreni!”

Amosi 5:5

Mûtikaathiî Beeri-shiba kûgooca. Mûtikanjarie kûu Betheli nîûndû Betheli nîgaacûkangua kana mûthiî Giligali nîûndû nwanginya mathiî îthamîriorî.”

Amosi 8:14

Nao arîa mevîtaga na Ngai ya mîvuanano ya Samaria makiugaga: ‘Wata ûrîa ngai ya Dani îtûûraga mwoyo,’ na makauga rîngî, kana ‘Wata ûrîa ngai ya Beerisheba îtûûraga mwoyo,’ andû acio nîmakagwa na matigaûkîra rîngî.”

2Pet 2:19

Nîmameragîra wîyathi, nwatî o ene methagîrwa marî ngombo cia mîtugo îrîa îcûkangagia. Nîûndû mûndû ethagîrwa arî ngombo ya kîndû kîrîa kîmûkîragia ûvoti.

1Sam 27:1

Daudi nîweîrire na ngoro atîrî, “Mûthenya ûmwe Saûlo nîakambûraga. Kwoguo ûndû ûrîa mwaro makîria nîngîka nî kûra nthiî vûrûrirî wa Afilisiti. Vîndî îo Saûlo nîagaatiga kûnjaria kûu vûrûrirî wonthe wa Isiraeli, na ngethîrwa nîrî mûgitîre kuuma kûrî ke.”