1Atha 12:15 - ÎVUKU RÎA ÛVORO MWARO

¹⁵ Kwoguo mûthamaki nîwaregire kûthikîrîria andû; nîûndû wendi wa Ngai-Mûnene warî wa kûvingia ûrîa eerîte Jeroboamu, mûvîcî wa Nebati na njîra ya mûrathi Ahija wa Shilo.

1Atha 12:15 ပူးပေါင်းရင်းမြစ်များ

Kîam 24:50

Labani na Bethueli nîmaamûcokerie atîrî, “Ûvoro ûcio umîte kûrî Ngai-Mûnene, tue gûtirî ûndû tûngîtua.

2Sam 17:14

Abusalomu na Aisiraeli onthe nîmaaugire atîrî, “Mataaro ma Hushai nî maro gûkîra ma Ahithofeli.” Ngai-Mûnene nîwatuîte atî, wana ethîrwa mataaro ma Ahithofeli nî maro tîmarûmîrîrwa nîguo Ngai-Mûnene atûme Abusalomu anyitwe nî maûndû macûku.

1Atha 11:11

Kwoguo Ngai-Mûnene nîwerire Solomoni atîrî, “Nîûndû nîûregete kwathîkîra kîrîkanîro gîakwa wana irîra cia watho wakwa, na ma nîngûgûcuna ûthamaki na nîûnenganîre kûrî ndungata îmwe yaku.

1Atha 12:24

“Mûtikathiî kûtharîkîra aa mûrwanyûkwe, andû a Isiraeli. Cokani muonthe wa mûndû gwake mûciî, nîûndû ûndû ûyû wîkîkîte na wendi wakwa.” Kwoguo nîmaathîkîre Ngai-Mûnene na magîcoka kwao mîciî wata ûrîa Ngai-Mûnene amaathîte.

1Atha 22:23

Kwoguo Mikaia nîwathiririe na kuga atîrî, “Ngai-Mûnene nîatûmîte arathi aya aku onthe maveenanie. Nwatî Ngai-Mûnene ke mwene nîaugîte atî nîûkaagîa na ûndû mûcûku!”

2Atha 10:10

Ûguo nî kwonania atî maûndû monthe marîa Ngai-Mûnene aaririe megiî njiarwa cia Ahabu nîmavingu. Ngai-Mûnene ekîte ûrîa aaugire na njîra ya ndungata yake Elija.”

2Atha 9:36

Rîrîa arûme acio maacokire kûrî Jehu na makîmwîra ûvoro ûcio, Jehu nîwaugire atîrî, “Ûguo nîguo Ngai-Mûnene aaugîte nîgûgeekîka, rîrîa aaririe na njîra ya ndungata yake Elija Mûtishibi atî; ‘Ngui nîikaarîa mwîrî wa Jezebeli;

2Maû 10:15

Kwoguo mûthamaki ndaathikîrîria wendi wa andû. Ngai-Mûnene, Ngai nîke watûmire gwîkîke ûguo nîguo ciugo irîa ciarirue kûrî Jeroboamu mûvîcî wa Nebati kûvîtûkîra kûrî mûrathi Ahija wa kuuma Shilo ivinge.

2Maû 22:7

Ngai nîwathondekete mûvango wa kûûraga Ahazia. Kwoguo rîrîa Ahazia aakinyire Jezireeli, nîmaaumagarire na mûthamaki Joramu nîguo mathiî magatûnge Jehu mûvîcî wa Nimushi. Ngai-Mûnene nîwathuurîte Jehu nîguo akathirie mûciî wa Ahabu.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

2Maû 25:20

Nwatî Amazia ndaathikîrîria, nîûndû warî mûvango wa Ngai atî Amazia na andû ake mavootwe nîûndû nîmaagoocete ngai cia mîvuanano cia Edomu.

Thaburi 5:10

Maverithie nîûndû wa mavîtia mao, we Ngai; na ûtûme macûkangue o ene nî mîvango yao mîcûku. Mengate maume kûrî we nîûndû wa mevia mao meengî, nîûndû nîmareganîte nawe.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ciîko 3:17

“Na rîu ariû na aarî a Îthe wetû, nie nîmbîcî mue na anene enyu mwekire Jesû ûguo nîûndû wa kûrigwa.

Ciîko 4:28

Maatûnganire nîguo meke maûndû monthe marîa we na vinya na wendi waku wavangîte kuuma wa Kîammbîrîria atî nîmagekîka.

Gûco 2:30

“Nwatî mûthamaki Sihoni ndetîkîra tûvîtûkîrîre vûrûrirî wake. Ngai-Mûnene, Ngai wenyu nîwamûmirie ngoro, na agîtuîka nthande nîguo tûmûvoote. Kwoguo nîtwamûtharîkîre tûkîmûvoota na tûgîoca vûrûri wake, na nîkuo tûtûûraga nginya ûmûnthî.

Atir 14:4

Aciari a Samusoni matiamenyaga atî nî Ngai-Mûnene wendaga Samusoni eke ûguo. Ngai-Mûnene aacaragia kanya ga kûvûûra Afilisiti. Vîndî îo Afilisiti nîo maathaga Aisiraeli.

1Sam 15:29

Nake Ngai wa Isiraeli ûrîa ûrî riiri ndaveenanagia kana ericûkwe, nîûndû ke ndekariî ta mûndû.”