1Atha 11:39 - ÎVUKU RÎA ÛVORO MWARO

³⁹ Nîngaaverithia njiarwa cia Daudi nîûndû wa wîvia wa Solomoni; nwatî ndigaatûûra nîmaverithagia.’ ”

1Atha 11:39 ပူးပေါင်းရင်းမြစ်များ

2Sam 14:14

Tuonthe nwanginya tûgaakua; tûvana ta manjî metîkîte nthî, marîa matangîoceka rîngî. Wanake Ngai ndangîcokia mwoyo mûndû ûrîa ûrîkîtie gûkua, nwatî mûthamaki nwa avote gûcaria njîra ya gûcokia mûciî mûndû ûrîa ûrî îthamîriorî.

1Atha 11:36

nwatî nîngaatigîra mûvîcî ûcio wa Solomoni mûvîrîga ûmwe nîguo vîndî cionthe ngethagîrwa nîrî na mûndû wa njiarwa cia ndungata yakwa Daudi akîathana arî Jerusalemu, îtûûra rînene rîrîa nthuurîte nîguo ngoocagîrwe kuo.

1Atha 11:38

Ethîrwa ûkathîkagîra maûndû monthe marîa ngwathîte, ûgîkaga maûndû marîa maro, na wathîkagîre irîra cia mawatho makwa, ûkîvingagia maathani makwa wata ûrîa ndungata yakwa Daudi eekire, ngethagîrwa vîndî cionthe nîrî vamwe nawe. Nîngaagûtua mûthamaki wa Isiraeli na ndûme njiarwa ciaku itûûre ciathanaga vuva waku, wata ûrîa nekire Daudi.

1Atha 11:40

Kwoguo Solomoni nîwageririe kûûraga Jeroboamu, nwatî Jeroboamu nîwatorokire na akîthiî kûrî Shishaka, mûthamaki wa Misiri na agîtûûra kûu Misiri nginya rîrîa Solomoni aakwire.

1Atha 12:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Gûtirî kîndû tûrenda kuuma kûrî Daudi? Tûtirî na îgai kuuma kûrî mûvîcî wa Jesse. Andû a Isiraeli, twînûkeni! Daudi gitîra nyomba yaku we mwene!” Kwoguo Aisiraeli nîmeenûkire magemarî mao.

1Atha 14:8

Nagaûrire ûthamaki kuuma kûrî njiarwa cia Daudi, na ngîkûnengera guo. Nwatî we ndûrethagîrwa wîkariî ta Daudi, ndungata yakwa ûrîa warûmagîrîra Watho wakwa na agekaga maûndû marîa nie noonaga magîrîrîte.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Luka 2:4

Josefu nîwaumire îtûûrarî rîa Nazarethi vûrûrirî wa Galili na akîthiî îtûûrarî rîa Bethilehemu vûrûrirî wa Judea, kûrîa mûthamaki Daudi aaciarîrwe. Josefu aathire kûu nîûndû aarî wa nyomba na wa mbarî ya Daudi.