1Atha 11:29 - ÎVUKU RÎA ÛVORO MWARO

²⁹ Vîndî îmwe rîrîa Jeroboamu aaumaga Jerusalemu, mûrathi Ahija aumîte Shilo nîwatûnganire nake njîrarî. Ahija eekîrîte nguo njerû, nao maarî oîrî kûu mîgûndarî.

1Atha 11:29 ပူးပေါင်းရင်းမြစ်များ

Kîam 4:8

Kaini nîwerire mûrwang'ina Abili atîrî, “Tiga tûthiî mûgûndarî.” Na rîrîa maarî mûgûndarî, Kaini nîwarakarîre mûrwang'ina Abili na akîmûraga.

2Sam 14:6

Mwathi wakwa nie naarî na anake aîrî. Mûthenya ûmwe, nîmaanegenanîrie kîthakarî kûndû gûtaarî na mûndû wa kûmeguithania. Mwanake ûmwe nîwaringire ûcio wîngî na akîmûraga.

1Atha 11:11

Kwoguo Ngai-Mûnene nîwerire Solomoni atîrî, “Nîûndû nîûregete kwathîkîra kîrîkanîro gîakwa wana irîra cia watho wakwa, na ma nîngûgûcuna ûthamaki na nîûnenganîre kûrî ndungata îmwe yaku.

1Atha 12:15

Kwoguo mûthamaki nîwaregire kûthikîrîria andû; nîûndû wendi wa Ngai-Mûnene warî wa kûvingia ûrîa eerîte Jeroboamu, mûvîcî wa Nebati na njîra ya mûrathi Ahija wa Shilo.

1Atha 12:2

Rîrîa Jeroboamu, mûvîcî wa Nebati eegwire ûguo, nîwacokire Shekemu kuuma Misiri. (Jeroboamu aarî Misiri kûrîa aaûrîrîte nîûndû wa mûthamaki Solomoni.)

1Atha 14:2

Nake Jeroboamu nîwerire mûka atîrî, “Ûkîra wîgarûre nîguo ndûkamenyeke atî wî mûka wa Jeroboamu, na ûthiî Shilo, nîûndû kûu nîkuo mûrathi Ahija arî. Mûrathi Ahija nîke waugire atî nînie ngaatuîka mûthamaki wa Isiraeli.

1Atha 14:4

Kwoguo mûka wa Jeroboamu nîwathiîre Shilo na agîkinya kwa Ahija mûciî. Vîndî îo Ahija ndaavotaga kwona waro, nîûndû aarî mûkûrû mûno.

2Maû 10:15

Kwoguo mûthamaki ndaathikîrîria wendi wa andû. Ngai-Mûnene, Ngai nîke watûmire gwîkîke ûguo nîguo ciugo irîa ciarirue kûrî Jeroboamu mûvîcî wa Nebati kûvîtûkîra kûrî mûrathi Ahija wa kuuma Shilo ivinge.

2Maû 9:29

Maûndû mau mengî marîa mûthamaki Solomoni eekire kuuma Kîammbîrîria nginya mûthiia nîmandîke rûganorî rwa mûrathi Nathani, Ûrathirî wa Ahija wa kuuma Shilo, na cionekirî cia mwoni Ido ûvororî wîgiî Jeroboamu mûvîcî wa Nebati.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.