1Atha 11:2 - ÎVUKU RÎA ÛVORO MWARO

² Ngai-Mûnene nîwathîte Aisiraeli atî matikavikie aka a kuuma mavûrûrirî mau kana arûme a mavûrûri mau mavikia erîtu a Isiraeli, nîûndû nwa matûme andû a Isiraeli mathîkagîre ngai ciao. Nwatî Solomoni nîwavikirie aka kuuma mavûrûrirî mau.

1Atha 11:2 ပူးပေါင်းရင်းမြစ်များ

Kîam 2:24

Kwoguo mûndûmûrûme agaatigaga îthe na ng'ina, akanyitana na mûka na oîrî magatuîka ûmwe.

Kîam 34:3

Shekemu nîwendire Dina mwîrîtu wa Jakovu na ngoro. Kwoguo nîwamwaragîria na wendo nîguo Dina wanake amwende.

1Atha 11:9

Nake Ngai-Mûnene nîwarakarire nî Solomoni, nîûndû Solomoni nîwagarûrûkîte agatiganîria Ngai-Mûnene, Ngai wa Isiraeli ûrîa wamumîrîrîte maita maîrî.

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

2Maû 21:6

Nîwavikirie mwarî wa Ahabu, mûthamaki wa Isiraeli. Kwoguo nîwarûmîrîre mîthiîre ya athamaki a Isiraeli na nîwekire maûndû macûku mbere ya Ngai-Mûnene.

Ezira 9:12

Kwoguo nîmaatwîrire atî erîtu etû matikavikue nî andû ao kana andû etû mavikie erîtu ao. Na tûtikagwatanîre maûndû ma thayû kana tûmatethia maûndûrî wa monthe ethîrwa nîtûkwenda gûtûûra vûrûrirî ûyû na tûgaûtigîra njiarwa cietû tene na tene.

Thaburi 139:21

We Ngai-Mûnene, nie nîmenete arîa makûmenete, na nganyarara arîa mareganaga nawe.

Ntha 23:31

Nîngekîra mîvaka ya vûrûri wenyu kuuma îriarî rîrîa Îtune nginyagia îria rîa Mediterania, na kuuma werûrî nginyagia rûnjîrî rwa Farati. Nîngaatûma mûvoote andû arîa matûûraga vûrûrirî ûcio, na nîmûkaamengata maume kuo.

Ntha 34:12

Menyerera mûtikarûthe kîrîkanîro na andû a vûrûri ûrîa mûkûthiî gûtonya, nîûndû mûngîrûtha kîrîkanîro nao ûndû ûcio wavota gûtuîka mûtego gatagatî kenyu.

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Malaki 2:11

Andû a Juda nîmaregete kwîvoka Ngai na nîmekîte maûndû marî na mûgiro Isiraeli na îtûûra rîa Jerusalemu. Nîmatûmîte hekarû ya Ngai-Mûnene îrîa endete îgwatwa nî mûgiro. Wana nîmavikîtie aka arîa magoocaga ngai ng'eni.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

1Akor 15:33

Tigani kûveenua. “Nî ûndû mûcera na mûkûndû akûndûkaga wata guo.”

Kûguû 2:4

Nwatî nîrî na ûndû nîramûcukîra: mue nîmwatiganîrie wendani ûrîa mwarî naguo mbere.