1Atha 11:11 - ÎVUKU RÎA ÛVORO MWARO

¹¹ Kwoguo Ngai-Mûnene nîwerire Solomoni atîrî, “Nîûndû nîûregete kwathîkîra kîrîkanîro gîakwa wana irîra cia watho wakwa, na ma nîngûgûcuna ûthamaki na nîûnenganîre kûrî ndungata îmwe yaku.

1Atha 11:11 ပူးပေါင်းရင်းမြစ်များ

1Atha 11:12

Kûnarî ûguo, nîûndû wa gîtîîo Kîam aguo Daudi, ndigwîka ûguo vîndî ya ûthamaki waku, nwatî ngeeka ûguo vîndî ya ûthamaki wa mûvîcîguo.

1Atha 11:26

Jeroboamu mûvîcî wa Nebati, Mûefiraimu wa îtûûra rîa Zereda ûrîa warî ndungata ya Solomoni, na ng'ina aarî mûndûmûka wa ndigwa wetagwa Zeruia, wanake nîwareganire na Solomoni.

1Atha 11:29

Vîndî îmwe rîrîa Jeroboamu aaumaga Jerusalemu, mûrathi Ahija aumîte Shilo nîwatûnganire nake njîrarî. Ahija eekîrîte nguo njerû, nao maarî oîrî kûu mîgûndarî.

1Atha 11:31

Nîwacokire akîra Jeroboamu atîrî, “Îyocere tûcunjî îkûmi, nîûndû Ngai-Mûnene, Ngai wa Isiraeli akwîrîte atî, ‘Nîngûcuna Solomoni ûthamaki, na ngûve mîvîrîga îkûmi ya ûthamaki ûcio.

1Atha 12:20

Rîrîa andû a Isiraeli meegwire atî Jeroboamu aarî mûcoku kuuma Misiri, nîmaamûtûmanîre na makîmwîta varîa maaûnganîte na makîmûtua mûthamaki wa Isiraeli kuonthe. Gûtirî andû engî maarûmîrîre andû a nyomba ya Daudi tiga andû a mûvîrîga wa Juda.

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

2Atha 17:21

Vuva wa Ngai-Mûnene kwamûrania andû a Isiraeli na andû a mûvîrîga wa Daudi, andû a Isiraeli nîmaatuire Jeroboamu, mûvîcî wa Nefati mûthamaki wao. Jeroboamu nîwatûmire andû a Isiraeli matiganîrie Ngai-Mûnene na agîtûma meke wîvia mûnene.

Thaburi 78:10

Matiavingia kîrîkanîro Kîamo na Ngai, na nîmaaregire kwathîkîra watho wake.

Ndari 14:23

Matigaatonya vûrûrirî ûrîa nerîre methe mao ma tene. Gûtirî wanarî mûndû ûmwe wa acio maareganire nanie ûgaatonya vûrûrirî ûcio.

Ndari 14:35

Nie, Ngai-Mûnene nauga nama, atî ûguo nîguo ngaamwîka mue andû aya aganu mûnganîte vamwe nîguo mûregane nanie. Mue muonthe mûgaakuîra gûkû werûrî.”