1Atha 1:48 - ÎVUKU RÎA ÛVORO MWARO

⁴⁸ na akîvoya akiuga atîrî, ‘Ngai-Mûnene, Ngai wa Isiraeli arokumua, ûrîa ûtûmîte mûndû wa njiarwa ciakwa atuîke mûthamaki vuva wakwa ûmûnthî, ngîîyonagîra na metho makwa!’ ”

1Atha 1:48 ပူးပေါင်းရင်းမြစ်များ

Kîam 14:20

Ngai ûrîa ûrî Îgûrû Mûno ûrîa ûmûvotithîtie kûvoota nthû cienyu arogoocwa.” Nake Aburamu nîwavere Melikizedeki gîcunjî gîa îkûmi Kîam indo cionthe irîa aacokithîtie.

2Sam 24:3

Nwatî Joabu nîwerire mûthamaki atîrî, “Mwathi wakwa, Ngai-Mûnene, Ngai waku arongerera andû a Isiraeli maita îgana makîria ya ûguo megana rîu, nawe ûrotûûratûûra nîguo ûkoona Ngai-Mûnene akîvingia ûndû ûcio. Nwatî mwathi wakwa mûthamaki ûrenda gûtara andû nîkî?”

2Sam 7:12

Rîrîa ûgaakua na ûthikwe, nîngaatua ûmwe wa anake aku mûthamaki na nîngaatûma ûthamaki wake ûgîe na vinya.

1Atha 1:49

Vuva wa ûguo, ageni a Adonija nîmeguire guoya, magîûkîra na wa mûndû akîthiî njîra yake.

1Atha 2:4

Ngai-Mûnene akaavingia kîîranîro gîake kîrîa aambîrîîre atî njiarwa ciakwa nîikaatha Isiraeli ethîrwa nîikaavingia mawatho marîa nîmavete na methagîrwe marî evokeku kûrî nie na ngoro ciao cionthe na mîoyo yao yonthe.

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

1Atha 8:20

“Rîu Ngai-Mûnene nîavingîtie kîîranîro gîake; nîûndû nînatuîkire mûthamaki wa Isiraeli vuva wa vava Daudi wata ûrîa Ngai-Mûnene eeranîre, na nîndumîrîte Ngai-Mûnene, Ngai wa Isiraeli hekarû nîguo agoocagîrwe vo.

1Maû 17:17

Makîria ma ûguo nîûmbîkîte maûndû manene makîria, nîûndû nîwîrîrîte njiarwa ciakwa maûndû ma mîaka îrîa îgaaûka. We Ngai-Mûnene Ngai nîûnduîte ta mûndû ûrî na vata mûno.

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

1Maû 29:20

Daudi nîwacokire akîra andû arîa onthe maagomanîte atîrî, “Kumiani Ngai-Mûnene, Ngai wenyu!” Nao andû onthe arîa maagomanîte nîmaakumirie Ngai-Mûnene, Ngai wa methe mao ma tene. Nîmeenamîrîrie ciongo ciao, makîgooca Ngai-Mûnene na makîva mûthamaki gîtîîo.

Nehemia 9:5

Alawi aya: Jeshua, Kadimieli, Bani, Hashabineia, Sherebia, Hodia, Shebania, Pethania nîmaaugire atîrî, “Rûngamani mûkumie Ngai-Mûnene, Ngai wenyu, mûmûkumie tene na tene! Tiga andû onthe makumie rîîtwa rîake rîrîa rîrî na riiri, goocani rîîtwa rîake rîrîa rînene gûkîra irathimo na ûkumio wonthe.”

Thaburi 145:2

Ngaagûkumagia wa mûthenya; ngumagie rîîtwa rîaku tene na tene.

Thaburi 34:1

Ngaacokagîria Ngai-Mûnene ngatho vîndî cionthe, nîndûûra nîmûkumagia.

Thaburi 41:13

Ngai-Mûnene, Ngai wa Isiraeli arokumua! Arokumua tene na tene! Ameni! Ameni!

Nthi 17:6

Andû arîa akûrû nî makenaga rîrîa makwona ciana cia ciana ciao, wata ûrîa ciana ikenaga ikîona aciari a cio.

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

1Sam 25:32

Nake Daudi nîwerire Abigaeli atîrî, “Ngai-Mûnene, Ngai wa Isiraeli arogoocwa, wa ke ûgûtûmire kûrî nie ûmûnthî!