1Atha 1:40 - ÎVUKU RÎA ÛVORO MWARO

⁴⁰ Andû onthe nîmaamumire vuva, makîvuvaga mîtûrirû, makiugagîrîria nîûndû wa gûkena nginya nthî îkinaina.

1Atha 1:40 ပူးပေါင်းရင်းမြစ်များ

1Atha 1:39

Makinya kuo, Zadoku mûthînjîri-Ngai nîwocire rûvîa rwa maguta rûrîa aaigîte îgemarî rîa Ngai-Mûnene na agîtîrîria Solomoni maguta. Nîmaacokire makîvuva karumbeta nao andû onthe makiugîrîria atîrî, “Mûthamaki Solomoni ûrotûûratûûra!”

1Atha 1:41

Adonija na arata ake onthe arîa maarî nake marî vakuvî kûthiria kûrîa kîrugo nîmeguire înegene. Rîrîa Joabu eegwire mûgambo wa karumbeta, nîwaûririe atîrî, “Înegene rîu nîregua îtûûrarî nî rîa ndûî?”

1Atha 1:45

na Zadoku mûthînjîri-Ngai marî na Nathani mûrathi, nîmamwîtîrîrie maguta nîguo atuîke mûthamaki marî Gihoni. Nîmacokire mathiî îtûûrarî makiugagîrîria nîûndû wa gûkena, nao andû a îtûûra nîmaranegena. Rîu nîrîo înegene rîrîa wegua.

2Atha 11:14

Nîwaroririe na akîona mûthamaki mûcerû arûngamîte vakuvî na gîtugî vau mûromorî wa hekarû, kûringana na mûtugo. Nao anene a athigari na andû arîa maavuvaga tûrumbeta maarî vakuvî na mûthamaki nao andû onthe makiugagîrîria nî gîkeno makîvuvaga tûrumbeta. Athalia nîwatembûrangire nguo ciake na marûrû na akiugîrîria atîrî, “Gûkû nî kûregana na mûthamaki! Gûkû nî kûregana na mûthamaki!”

2Atha 11:20

Kwoguo andû onthe nîmecûrirwe nî gîkeno, narîo îtûûra rîkîvoorera nîûndû Athalia nîwaûragîrîtwe nyombarî ya mûthamaki.

Thaburi 97:1

Ngai-Mûnene nî arathana, kena we nthî. Kenani, mue icîgîrîra irîa irî îriarî!

Danieli 3:5

Rîrîa mûkegua coro yavuvwa, mûcoke mwîgue mîtûrirû, ngita, wandîndî, na inanda cia mîthemba yonthe, mûkegwîthia nthî mûgooce mûvuanano wa thaavu ûrîa ûrûthithîtue nî mûthamaki Nebukadinezarû.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Luka 19:37

Rîrîa Jesû aarî mwîkûrûkorî wa kîrîma Kîam Mîtî ya Mîtamaiyû vakuvî na îtûûra rîa Jerusalemu, arutwa onthe ake nîmaambîrîrie kwina makenete na kûgooca Ngai maugîrîrîtie nîûndû wa maûndû manene marîa maarîkîtie kwona.

1Sam 11:15

Kwoguo andû onthe nîmaathiîre Giligali vandû varîa vatheru na makîthuurîra Saûlo vo arî mûthamaki wao. O nîmaarutîre Kîgongoona gîa kûrete thayû vo, na Saûlo marî vamwe na andû onthe a Isiraeli nîmaakenerere ûndû ûcio.

1Sam 4:5

Vîndî îrîa îthandûkû rîa kîrîkanîro rîa Ngai-Mûnene rîakinyire kûrîa Aisiraeli maambîte magema mao, andû onthe a Isiraeli nîmaakenire na makiugîrîria na mûgambo mûnene mûno nginya ûgîtûma nthî îrurume.